撤辣︳18家銀行不借錢真打擊摸貨炒家？經紀做deal同撤辣前分別︳諗sir專欄

撤辣︳第一點 說銀行近期停止摸貨。

而打從 2012年開始SSD加到三年就後，市面根本沒有什麼摸貨成交，12年後銀行亦沒再做摸貨計劃。不要說成於現在2024年3月頭，銀行見到有炒家而停摸貨咁樣。你現在見到的銀行職員未太資深的，根本連摸貨按揭都未做過，更何況停佢 ? 就如我地自己地產鋪，都未做過摸貨，只係同2月買咗樓嘅各位客人努力賣樓中，希望1個月幫佢哋賺到過百萬。

撤辣︳第二點 說唔少炒家摸貨「被困」上唔到會？

要解此事只係算術問題，2月28日才有財政預算案公佈撤辣措施，而我在2月28日晚的直播片已解說過，一個例如3月1日買入單位的人，最快都要約3月14 日才可將單位摸出，因要在3月1日簽完臨約後，14日內付足大訂(一般10%)，才可擁有必買必賣的買家身份，才能成為確認人將貨摸出。亦即是上月28日開始，今日究竟有什麼人等夠14日，正式可以將貨摸出呢? 答案當然是近乎沒有，所以又為何有買家買到摸貨而上唔到會?

除非在3月1日即付大訂成為必買必賣，或從臨約上刪去悔約條款，不過以我對炒家理解，佢哋唔會咁輕易為早十幾日交易而放棄現金流令大訂，現在經紀對成交更會保持秘密，不會亂告訴你。你都不用去想在網上會有經紀咁好手尾，將佢件貨由350萬做到380萬的成交update去網比全世界知了。現在經紀更加會將價格掩密，方便他再找下手摸出做生意。