物業

舊生會10個朋友得1個買樓 一層自住、兩層收租引死人 網民葡萄:供曬先至叻

樓市熱話

廣告

港人一向愛買磚頭,自住之外更保值。有網民近日就分享與朋友聚舊時,談到各自物業問題,竟然掀起一陣「腥風血雨」,皆因十多位朋友中僅有一名朋友持有物業,令眾人羨慕不已。

物業
(圖片來源:N C @unsplash)

女性朋友現超羨慕模樣

有網民在香港討論區表示,「仲要一層自住兩層收租,班女既就表現到超羨慕, 狂讚果個有樓既人有遠見,覺得佢係超荀盤,仲不斷請教揀樓心得。班男既就立即講野少左,仲面露不悅同煩躁。其實10幾年前,當時人買第一個單位既時候,成班人都笑過佢。」

網民亦表示整群朋友中,更只有兩名能考入大學,其中一名即是擁兩項物業的朋友,擬認為學歷與成就兩者成正比,又表示「其實人性就係咁,見人地有自己冇,幾fd都會妒忌仇富,只係爭在唔敢太表露出黎」。

物業
(圖片來源:香港討論區截圖)

網民:好朋友間亦會妒忌仇富

有網民回應,其實好朋友間亦會妒忌仇富,亦希望未持有物業的人能夠「盡快上車」做業主。

  • 而家跌市機會擺喺眼前。
  • 反而冇讀過書又懶惰果班住洋房別墅,冇讀過書但有少少才智住私樓,勤力又學歷高住公屋、臨屋、湯房(劏房)。
  • 咁你同其他fd最醒,因為租樓日日賺,你有冇同你個樓fd講食埋今次唔知重有冇得食,叫佢千祈唔好上ifc啊!最多357成蝕讓算,到時所有fd都係租租,大把話題!
  • 我有個fd 70年代mit畢業,一生都無買樓,不過炒股真係有一手,自己寫程式落盤買賣,好似話用ai功能!
  • 如股神所講,別人貪婪我恐懼,別人恐懼我貪婪。樓和股票都一樣,現在有幾多人有勇氣 和有錢入市?!
  • 十年之後,有樓嗰個就會係俾人笑嗰個!
  • 當時俾人笑而家發達啦咁多樓。
  • 好老實講句 大家都冇謂嘈了,就算樓價跌 D女都係鍾意男仔有樓。
  • 我調返轉,十幾個人聚舊得一個人冇物業。
  • 如果兩層近幾年至買兼退租,就……..
  • 有3層樓,供曬就話叻,3層都供無一半 依幾個月爽唔爽先,一球一球咁跌喎,堅跌喎。不過你班FRD 十幾個先得一個大學。你果班係咪AA FRD黎架?
  • 今時今日有幾層都折唔倒現?
  • 睇完標題,都放心再買多間收租,一街都係淡淡搶租盤,交完首期交比租租供,一定無得輸。

有人質疑:是否真的沒有物業

不過有網民卻認為,十多年已置業,推算年齡已達四十附近,質疑是否真的沒持有物業;有網民則認為其實有可能,因港人薪金中位數其實不高。

  • 十幾年前買樓,今日班女都四張幾啦。全部都冇樓?
  • 成班人,大部份冇讀大學,大部份冇私人樓,你班fd水平都幾市井下。
  • 你圈子窮傘(啫),我身邊平均有十間樓,幾千萬流動資金,有D玩埋艇、古董、買賣公司。
  • 有錢買樓,梗係好…….但唔係個個人,都月入十幾萬的……香港人的薪金,中位數,….大多是二萬以下…..
  • 窮人圈子有咩好評論。
  • 傾返點抽公屋或者白居2好過啦…有樓果個可能都係揸緊大西北舊洋樓 又或者俾盡都係嘉湖果d貨色。
  • 小弟三十年前大學,所有大學同學全部都有自置物業。我有兩間私樓,另加一間村屋(綿田)收租。
  • 今時今天,有樓都唔好同人講,只會比人恥笑,係人都唔認有啦!
物業
(圖片來源:新傳媒資料室)

美聯:9月私樓落成量按月急升近2.7倍

據美聯物業綜合屋宇署資料顯示,9月份私人住宅落成量錄2,672伙,較8月份730伙按月大幅上升約266%,並創7個月新高,其中9月落成量按月大幅上升,主要因月內有大型項目落成,當中包括大圍柏傲莊I(783伙)及柏傲莊II(1,415伙)。

美聯物業首席分析師劉嘉輝指出,若以今年首9個月累計,落成量合共16,597伙,比起去年同期11,168伙按年增加約48.6%。然而,即使今年首9個月落成量已超越去年全年,惟當中不少單位早已售出。

物業
(圖片來源:中新社)

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:政府新聞處、Unsplash@Cristina Gottardi、N C @unsplash、香港討論區截圖、新傳媒資料室、中新社