自住單位估價大插水「唔怕變怕怕」 港男聽女友話買康城：搞到而家輸兩球！

上車客睇住樓價跌到心慌慌？

有網民在連登討論區上，以「呢3年買左樓既入黎啦X」為題，詢問一眾「已上車人士」的自住物業，「而家銀行估價比你個成交價低左幾多？」，及後又補充，自己的自住物業「跌左（咗）7%」。

網民回覆反應兩極，「估價較低派」的網民指物業雖下跌約5%，但其屋苑的平均成交價更低約10%，亦有網民指下跌接近100萬，情況令人心酸；另有「估價較高派」的網民則表示「估價對比當時仲係多」。

「估價較低派」網民：

• 「5%, 但屋苑成交價-10%。」
• 「無咗差唔多一球。」
• 「跌咗成球半呀冇陰公。」
• 「仲睇估價，睇下自己屋苑d成交，高位落左20-25%啦。」
• 「大約由1800萬跌到落1600萬，冇乜感覺。」
• 「上年放咗層港灣豪庭，今日睇返hsbc估價跌左差唔多球半。」
• 「150萬，不過一早供完。」
• 「9成按就-63%。」
• 「跌兩球，好彩上年放咗，正常人都知港樓玩完都仲留住層樓咩。」
• 「之後比條女死嘈話要搬出去，買咗康城，而家輸咗兩球幾。」
• 「康城新樓基本冇一兩球。」

「估價較高派」網民：

• 「估價比買入價高左1x%。」
• 「認真咁答你，2020年買，估價對比當時仲係多，講大話死全家。」
• 「仲+5%，嗰陣冇樓睇買嘅，低水得比較多。」
• 「最高升15%宜家升10%。」
• 「估價比買入價高左10%。」
• 「自己住個間疫情最勁個下買，勉強平手高3%估價，但成交睇落再低一成；另一間17年買落既，賺兩成賣咗，拉勻打個和，拎去做下定期先。」
• 「+5%，低我20層 上個月中仲成交高我25萬，2年半前買。」

網民分析：買樓長線一定升

除「大鬥慘」之外，更有不少網民拋出心得，指出買樓作投資是好選擇，形容「長線一定升」；亦有網民耐心作出分析。

• 「自住驚X咩，遲早升。」
• 「根本長線一定升。」
• 「自住當交租。」
• 「一日未賣一日都未輸。」
• 「同週期股一樣，摸咗頂就有排，要等下週期。最大既問題係人地食糊，個價才返家鄉先係最大鑊。一來一回輸人地幾十年打工錢。」
• 「公屋用家以王者姿態輕鬆路過，笑而不語。」
• 「依三年仲買唔抵可憐。」
• 「我AA話真係好X多移民盤，流失好多有學識中產，全部賣樓走人。」
• 「20年後港樓深圳價。」
• 「算啦早買早享受，嘆咗一年有自己屋嘅生活都好。」

樓宇整體買賣料錄3,700宗 創47個月新低

中原地產研究部高級聯席董事黃良昇指出，截止至11月16日，2022年11月份整體樓宇買賣合約登記暫錄1,933宗及153.9億元，預計全月錄3,700宗及300億元，將較10月份的4,443宗及327.6億元，分別下跌16.7%及8.4%。

宗數將創自2018年12月3,038宗後的47個月新低，金額將創自2020年1月290.4億元後的34個月新低。利率持續向升，買家的入市態度趨向審慎，影響整體樓市交投疲弱。

延伸閱讀：荃灣家庭客幾年前「落錯車」錯過升浪：730萬原價再上車冀一雪前恥

延伸閱讀：潘蘇通出招反制、入稟禁會計師樓接管傲玟：違約事件「並無發生」