近兩年買樓朋友異常表現：蝕100萬叫我原價接貨！
帳面跌100萬叫朋友原價接貨
日前，有網民以「大家講吓你身邊係呢兩年買左樓嘅朋友點樣？近嚟見佢哋有乜異常？」為題在連登討論區發文，指：
「我有個fd上年買咗，到依家帳面跌咗成百，佢見親我都Ｘ，我安慰佢自住驚Ｘ，佢話叫我原價接佢層樓，我心諗你都ＸＸＸＸ的。」
網民：「無叫凍飲。」
貼文一出，即引起網民熱烈討論，但指有零星網民和應「朋友異常表現」：
- 「無叫凍飲。」
- 「個人好唔開心，心煩。」
- 「你望下班供緊既息又比多左樓價又跌左，唔好話跌啦，唔升都牙痛咁聲，唔開心一定有，始終都蝕錢。」
- 「仲要每個月供多左幾千，再加息落去，諗緊連個人都搬去痴男朋友度住，層樓收租… 如果加到6-7厘應該會咁… 唔係真係超唔抵，不過間屋d野唔知放去邊。」
有網民出動潮文試圖與樓主圍爐：
「食飯嘅時候，見佢跌左銀包，我提佢：跌左…..
佢即時講：無跌，無跌，樓市只升不跌…..只升…
我就話：我話 跌左 銀包，唔洗緊張…
見佢好擔心，黑口黑面，之後成個飯局無人敢問佢層樓點，裝修左未，亦唔敢再講個跌字…
唉，同剛買左樓嘅人食飯真係好大壓力。」
網民：自住唔會太care短期升跌
不過，樓主似乎未能圍爐成功，有網民大潑樓主冷水，指其實很多人沒有太大感覺：
- 「暫時未見到身邊朋友同事有太大反應，可能未跌夠。」
- 「2019年之後仲買樓，應該對香港充滿信心。」
- 「我有fd上年年尾買，又真係無乜問題，佢哋話自住，本身供樓錢都係人工4分1左右。」
- 「其實買左樓嘅人(自住），唔會太care 短期升跌，租樓=幫人供樓，講出去又冇面失禮，點都好過租租啦。」
- 「買樓自住嘅人，真係唔會焦點放喺短期樓價升跌嗰到，你買咗部iphone都唔會日日check 住幾錢。」「今時今日除非乜嘢投資都無走去做定期，如果唔係。買樓買股票買外幣大部分都輸。英鎊都跌唔少，對比股市，香港樓市真係小兒科。」
因為香港班中產走先咁大件事？
亦有網民認真討論今次跌勢主因：
「講真，身邊有人移民，但佢地移完之後仲會留番層樓係香港收租當儲錢，唔會咁易放，放係因為近排加息ja… 你有錢移民你都唔會將d資金調哂去一個地方，最熟香港經濟同遊戲玩法既中產點會放棄香港市場？」
「其實如果有留意樓市都發覺2021已經開始跌，今年狂加息亦係原因，同埋移民潮亦絕對係主因之一，市面劈價好多都係移民盤嚟，就係因為香港班中產走先咁大件事，係全家走唔同以前啦今次。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
