150呎公屋靚裝變大 9萬5蚊全包宴搞掂
廣告
香港一屋難求，排到公屋有瓦遮頭都已經令唔少人羨慕不已！今次呢個1至2人水泉澳邨實用面積約150呎單位，加上新派公屋間隔比舊式易處理，師傅整個裝修過程只係拆咗廚房灶頭。雖然呎數細，但裝修過後屋主都有足夠空間放置自己嘅收藏，同時都唔會因為儲物櫃多咗而有過份壓迫感。呢個公屋靚裝連傢俬費用約$95,000。
以主白色嘅儲物櫃打造出一個凹位放置冰箱，務求用最少空間擺放最多物件！師傅都有預留足夠位置俾走廊，令室內具空間感。
窗口喺睡床位置，師傅運用高台區分出一個小睡房，節省咗原本嘅房門空間，同時亦可以令光源滲透出嚟。
小小嘅睡房五臟俱全，冷氣、電視以及高櫃頂嘅玻璃飾物櫃，方便屋主展示自己珍藏。
廚房則以淺色木櫃為主，採用單邊電磁爐。最佔空間嘅洗衣機同冰箱處理手法一樣，用儲物櫃打造出一個凹位放置。
最後浴室採用頂部抽氣扇，站立式淋浴落地玻璃設計，盥洗盆上方亦騰出位置安裝咗一個高櫃，用盡每一串空間。
新派舊公屋 ／現住公屋、居屋：9232 4980 繆先生
私人屋苑 ：9232 4980 繆先生
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
