煲劇仲有錢收? Viu 60,000蚊招募煲劇王

煲劇有錢收!大家無睇錯~鍾意煲劇都可以有錢收!由10月12日開始,挑戰Viu御用煲劇狂,有機會瓜分60,000元!究竟係「真.着數」,定係魔鬼在細節呢?小編一於為大家拆解!

撰文:Nic Chan

活動由Viu舉辦,分為兩回合進行,期間只要申請成為Viu升級會員,再以呢個身份登入其網站睇片煲劇,每回合累積睇片最多嘅300名人士,合共600人,便可以瓜分60,000元。

不過,有心水清網民即刻計計數,兩回合得獎者有600名咁多,即其實每人只可以瓜分100元,連交電費都唔夠!事實上,活動官網都列明,每位得獎者可獲得獎品,其實只是總值100元超市現金券。

加上要成為「升級會員」,其實要成本架!雖然現時可以免費試用一個月,不過之後要收每個月15元,一下唔覺唔覺睇多幾個月,隨時收到個份錢都唔夠畀!


Viu嘅Facebook專頁上網民留言

電影檢查員 真正日日睇戲收人工

想真正睇戲有錢收,不用參加什麼活動,只要加入電影、報刊及物品管理辦事處成為電影檢查員即可!呢份工不單止收人工兼日日睇戲,更可以先睹為快睇未上映電影,仲可以成為電影終極剪片師,將電影不適當部分剪走!

當時,收錢要付出勞力,就是要為電影評級啦!至於薪金有幾多?絕對比Viu多,千多至萬多元唔走得甩!想入行?不過現時未有請人,大家有興趣~要多留意不時出現的招聘廣告!

延伸閱讀:
【新入職病房助理薪津15,000元】
http://www.edigest.hk/Vip/detail?id=5374
【香港窮人2.38年 先賺到有錢人1個月人工】
http://www.edigest.hk/Vip/detail?id=5406
【想做網絡紅人吸金?要向這5類KOL埋手】
http://www.edigest.hk/Vip/detail?id=5181