消費券窮人恩物｜1蚊鮑魚雞煲重現！2人$29.5埋單拒加餸：好過去麥當勞
廣告
經濟下滑加上疫情打擊餐飲業，有酒樓為搶生意，推出「1蚊鮮鮑魚雞煲」的宵夜推廣。有食客在網上分享此「窮人恩物」，由於雞煲必需2人才享用消費，每位茶芥收費13元。最終二人結賬連加一只需$29.5，真係抵食過茶餐廳。若果使用5千元消費券，人均消費15元，每人夠食超過300次晚餐。
消費券第二期優惠詳情
真報復性消費
該食客更分享慳到盡大法：
「呢煲嘢一蚊白飯青菜都唔好叫，叫你就輸比佢。」
「食完嘆多幾杯茶，涼完冷氣睇埋電視劇，拍拍屎忽攞張單出去埋單，拜拜，聽晚再嚟食過，好過去老麥。」
從食客分享片段，鮑魚連雞煲熱騰騰的攞上枱面，看似份量及用料十足，至少有4隻鮑魚。食客似乎頗有心得：「窮人恩物，唔食笨X，咁大個集團，點會食到佢執笠。」
有食過雞煲的網友表示：「2個人淨係食佢都飽曬！」
慳家妙計的貼文一出，網民議論紛紛：
- 真 . 報復式消費
- 抵食過茶記
- 唔係啩淨係食一樣嘢，咁都做得出
- 個個好似你咁都真係執梗
- 其實而家啲鮑魚唔貴
- 拿拿聲食完埋單出去入番黎再食多次啦你
97金融風暴：1蚊雞盛行
97金融風暴及03年沙士期間，百業蕭條，酒樓為掙扎求存，以「1蚊雞」作招徠，全隻貴妃雞、霸王雞任食，吸引市民幫襯。1蚊雞變成窮人恩物的同義詞。斷估不到30年後，全球正經歷通貨膨脹，香港卻重現30年前飲食業的寒冬，真係「搵食艱難」。
圖片來源：unsplash@Claudio Schwarz，FB@稻香集團，FB@將軍澳主場
