辭職

想辭職但覺得不好意思 網民:只係交易 無話邊個欠邊個 |網民熱話

社會熱話

廣告

辭職網民熱話】有打工仔在討論區表示,想辭職但覺得不好意思,有網民認為「人望高處,水向低流,人之常情」!

撰文:Smart ED編輯部|圖片:新傳媒資料室、電視截圖、unsplash

樓主想辭職:

「做左呢間公司兩個月,細公司,我個職位得我一個人。

我原本都唔係真心想入職的,只係之前失業所以入左去做 ,上手同事交負責位地交接左佢既工作俾我,

老板應該冇預我有離職既打算 ,一直冇過問我工作情況 ,但其實呢度唔係我真心想做既工作,

因為收到其他公司既 offer ,相比之下果邊應該好呢邊少少,我對果邊興趣大 d ,

如果我宜家離職, 對公司運作或多或少有影響, 雖然係低職位,但得我一個人負責,

工作需要交接俾下一手好 d,宜家覺得內疚,呃左人咁」

用講感情 想走就要走

網民認為工作不用講感情,想走就要走,「傻仔,要走人就走啦,唔好諗咁多」、「打工既野無話邊個岩邊個錯既,打工都係為搵錢」!

有網民安慰樓主,「放心,冇問題喎,呢個世界冇左邊過都一樣咁run」、「明白的,只係影響左人,個心唔舒服心情好似呃左個女仔既感情咁」、「唔會既,打工既野,你情我願,明買明賣,如果你boss真是冇左你會死,自然會同你傾加你錢,放心」。

人望高處 水向低流

亦有網民指樓主沒有錯,人望高處,水向低流,人之常情!

「請記住沒有老闆會養你一世,老闆不再營業時一樣會同你講BEYBEY」

「到時佢炒你佢會吾會覺得吾好意思」

「你應該咁睇,大家只係交易,無話邊個欠邊個」

「基本間間公司都5會為員工著想…你5洗過意吾去…」

有網民建議樓主可以「轉兼職頂到交接完成」、「早D講等佢快D請人,可以傾下點handover」、「比足通知期,等佢請人,就無問題」、「你內疚係因為上手好盡責任handover。你今次再好盡責咁交接就得啦」。