【生活趣談】新春行大運 超正步行版港鐵地圖 將軍澳行去康城 旺角行去油麻地

生活消閒

廣告

【超正步行版港鐵地圖】之前網上流傳一個步行時間版倫敦地鐵地圖,列明站與站之間在步行時要花多少時間,希望鼓勵市民多走路!如果將同一概念應用在香港地鐵上,不知道最長及最短的步行時間要多久呢?記者還整理了 步行版港鐵地圖 ,還有三個難度級別的步行點,有興趣的讀者可以挑戰一下!

撰文:Janice(新假期)|圖片:港鐵官網、新傳媒、Nam

總整理! 步行版港鐵地圖

平日乘搭港鐵 ,大部分站與站之間的行駛時間都只需3-4分鐘,就算是東鐵綫的車站,站之間最長的行駛時間也不超過10分鐘,可算是十分快捷,不過若是由一個站步行至另一個站,就是另外一個說法了。記者根據Google map測試出的規劃路線,整理出各個站的步行時間,最快的步行時間也需要9分鐘才能完成,最長的更要220分鐘才到達下一個站!

部分車站之間未必有行人路連接,例如油塘往鰂魚涌,所以當中會包含乘搭渡輪的時間;此外,部分路段包括高速公路及懸索吊橋,如青衣往欣澳,行人是沒辦法走上去的,所以以上的步行時間只供參考,實際情況還是會因步速及步行路線不同而有變動!如果各位讀者想挑戰站之間步行,可以先從自己熟悉的區域開始,而較陌生的區域則要清楚規劃好路線,避免迷路及走了冤枉路。

挑戰!三種難度級別路段

易如反掌級:

由旺角的D3出口開始走,途經旺角行人專用區,街邊有不少小食及飲料店,可以掃盡旺角有名的小食,而且商舖林立,步行同時也可window shopping,到達H&M(前身為家樂坊)後轉右入小巷,一路直走就到達油麻地A2出口,最後還可以吃一串咖喱魚蛋作結!不過正在減肥人士就盡量不要選擇這路段了,小心受不住誘惑,吃得太多抵消步行時消耗的卡路里!

小試牛刀級:

由將軍澳站出去後,一直往將軍澳運動場方向行走,穿過一小段行人隧道再步行約8分鐘就可到達將軍海濱長廊,到達後可以登上天橋去對面的步行徑,沿著海邊走往前走就能到達康城站。沿途雖然沒有任何小食店或是商舖,不過勝在有美景相伴,黃昏時可以跟朋友或愛人到此散步,順便欣賞日落美景,而且將軍澳區內的單車徑亦規劃得不錯,有興趣可以到此單車遊一天!

絕命惡夢級:

乘搭西鐵綫的讀者或許沒想過,平日由荃灣西往錦上路只需8分鐘的行駛時間,到了步行時竟需要近4小時(220分鐘)!原因是行人不能走隧道,只能經大帽山前往目的地,步行路段一包括山路就難以估計行走時間和路線,所以不建議一般人選擇這路段,即使是有經驗的行山人士也要好好規劃路線,並盡量結伴而行!記者在選擇路線時發現此路線會經過川龍,若是較早上去的人,或許可以到川龍附近的茶樓補充體力!

 

講到步行,其實我哋每日返工都會係地鐵站到行唔少,每個港鐵轉車站,都可以代表一項步行比賽?大家可以數一數自己每日參加咗幾多項?

文:Nic Chan

短途賽:太子站、旺角站、油塘站

每次列車到站一開閘,差唔多個個都跑跑跑,目的只有一個--上到車。不過當大家起步一刻,其實已經「輸在起跑線」,因為另一月台已經有上一班車嘅乘客等緊。想搭車?等下一班啦!

中距離賽:北角站、荔景站

挑戰完短途賽,大家可以挑戰轉車距離較長嘅中距離賽。列車開閘同樣都會跑,雖然可以「贏在起跑線」,不過去到終點結果都一樣。想搭車等多幾班啦!

長途賽:香港站、尖東站

如果嫌短途賽、中距離賽未夠刺激,大家可以參加長途賽。中環站至香港站、尖沙咀站及尖東站嘅轉車距離,足足有400米,已經等於標準運動場一圈嘅長度!日日來回幾次,包保大家健康身體好。

越野鐵人賽:美孚站

由西鐵線轉荃灣線(或者掉轉行),一定要經過彎彎曲曲通道、上上落落先到,至於點解會叫「越野」?因為美孚站通道可以見到公園,綠油油一片,即刻心矌神怡!

爭凳仔賽:調景嶺站

調景嶺站唔單止係轉車站,更加係觀塘線總站,開嚟嘅車架架都係吉車,自然多位坐,不過要同月台上幾十人去爭囉!如果爭淨個「批鬥座」,都唔知坐唔坐好。

沙甸魚上車賽:金鐘站

有幾條線轉車嘅金鐘站,人多擠迫,想上車真係要好似沙甸魚咁,逼埋一嚿!

斜坡競技賽:大圍站

講到由馬鞍山線轉去東鐵線,相信沙田友都會知,日日經過小斜台轉車,應該訓練到平衡力。

跑樓梯賽:南昌站、鰂魚涌站、何文田站

呢3個站出名多樓梯,其中鰂魚涌站月台上大堂閒閒地百幾級,如果何文田站由山上出入口行到去月台,足足要行500幾級樓梯。日日係咁行,一定瘦身成功!

行李喼閃避賽:九龍塘站

作為北上必經轉車站之一,九龍塘站日日都有唔少自由行,大大小小行李喼自然好多,轉車唔想被撞,要識閃避啦。仲睇電話?睇住前面呀!

水貨接力賽:上水站

辛勞嘅水貨客,每日來來回回中港兩地,只係為咗賺一百幾十蚊,所以我地應該讓出空位,俾佢地有足夠空間擺位呀!

限時欖球賽:紅磡站

有網民話,紅磡站係「衝撞式欖球」,次次未落車,已經有一大班人衝上車,撞開人去爭位,好似玩緊欖球比賽咁。計小編話,紅磡站轉車唔單止要衝撞,仲要睇下邊個月台有車搭,再係限定時間內上車,似足臨完場前最後衝刺!上到架車就贏,上唔到惟有走去另一月台等車。

無限輪迴賽:將軍澳站

康城站坐車去寶琳站,一定要係將軍澳站轉車,見對面有車嚟又有人入,梗係第一時間衝入去啦,點知原來架車又係去康城架!呢個係無限輪迴嘅宿命……來回康城又折返將軍澳,猶如來回地獄又折返人間咁慘情。

 

地底定向賽:中環站

中環站可以轉荃灣線、港島線、東涌線、機場快線,大家都根據指示板行去特定嘅月台,好似玩緊定向比賽咁,最大分別係--呢個定向係地底進行。

比賽項目足足有13項,如果日日要經過調景嶺站、九龍塘站、大圍站轉車,你已經參加咗「爭凳仔賽行李喼閃避斜坡競技賽」,真係啱晒平時小做運動嘅香港人!

小編認為,如果遇到港鐵故障,仲可以參加鬥快搵車搭比賽,完全為動腦益智之選!

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。