打工仔圓夢計劃 1萬蚊芬蘭極光行程攻略

生活消閒

廣告

每年11月至3月,都係北極光活躍嘅高峰期,身邊已經不停有朋友搶緊平機票,把心去見證這幸福綠光一趟,但係計劃起嚟,又有感無從入手。咁啱小妹半年前趁復活節的春分季,用10日快遊瑞典斯德哥爾摩和芬蘭,成功 追極光!!雖然唔算係咩極光達人,但都可以簡單分享下行程、拍攝技巧同財政預算,等大家有初步概念!

text & photo: Nicole@字旅航間(原文:GOTrip)

相傳見到極光,係會幸福一輩子的哦!哈哈~~~

斯德哥爾摩的景色

01 | 路線設計:留守芬蘭、北部Ivalo有勝算

出發去北歐的契機,係訂咗SAS北歐航空嘅機票,由香港直航至斯德哥爾摩,因為係上年9月先開始有呢條新航線,久不久就有優惠。

出發啦!因為假期只得10日,我主力玩斯德哥爾摩同芬蘭,而睇極光就揀咗去芬蘭北部。

本身是想去再上少少的Inari,地理較北,觀賞有更大勝算,但結果酒店一早爆滿,唯有退而求其次訂Ivalo的酒店,好彩最後都無失望!!

由於追極光絕對係要睇運氣,所以不妨預多幾日走盞。逗留咗Ivalo 4日3夜,本身都怕無活動玩,但其實有聖誕老人村、Husky/ Reindeer Safari、滑雪等活動,4日行程排得滿滿,出乎意料地多嘢玩!

聖誕老人村的夢幻小屋

02 | 財政篇:交通費都幾貴!!

撇除市內交通、膳食、 Shopping ,總預算約HK$10,765!

分拆返以下細項:

機票連稅(香港來回斯德哥爾摩):HK$4,500(復活節旺季唔算平,SAS的話最平見過HK$4,000)
平住 7 晚酒店:HK$2,265(平住,平均每晚HK$324,有時要Share Bathroom)
內陸機票(瑞典來回芬蘭):HK$1,148
通宵火車由赫爾辛基來往Rovaniemi(順便慳兩晚住宿):HK$1,950
Rovaniemi來回Ivalo巴士:HK$902

03 | 拍攝篇:最緊要識得 Focus at INFINITY!!!!!

出發前的疑問,係咪行出門口就睇到極光㗎喇?

答案係:極光強的話,只要在酒店外圍,揾個少光害的空曠地,已經見得到極光!!!

Hotel Ivalo房外的空地,入夜適宜捕極光。

當地人其實每日都有準確的極光指數,預測到當晚捕捉的機會率。若果想睇到更澎湃的畫面,可以參加由專業攝影師帶路的 追極光 團,每晚€110/HK$950,價錢偏貴,但佢會開車向挪威方向北上,到有利位置停低,仲小班教學點樣SET機影極光。對於從未影過極光,或者欠缺夜間拍攝經驗的新手(即係我),就非常有用可靠!

報名網址:www.ivalotrek.com

老師的示範作

04 | 照跟實無死!交通實用資料懶人包

從斯德哥爾摩搭飛機前往芬蘭的赫爾辛基,機程約1小時。推薦當地的廉航 Norwegian,訂購網址:www.norwegian.com/us。

從赫爾辛基乘通宵火車上Rovaniemi(聖誕老人村),需時約10個小時,雖然時間長,但有床舖尚算可以節省當晚酒店費。車廂裡面有兩張碌架床,一上車即時搶先去用公共浴室,非常乾淨。
訂購網址:www.vr.fi/cs/vr/en/helsinki_en

由Rovaniemi乘巴士到Ivalo,事前可發電郵問定酒店喺邊個站落車,車程4小時左右,訂購網址:matkahuolto.fi/en

睇咗咁多,嫌煩的話,不妨報kkday的瑞典Abisko 4天遊,行程、住宿全包,只需要去到Kiruna Airport集合就有導遊,價錢抵玩,終極懶人之選:www.kkday.com/zh-tw/product/9019

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。