【毛孩天地】貓奴分享主子咬名牌相　傷痛提醒：不能ＸＸ否則仲傷

養貓的讀者，或喜歡貓的讀者，相信對貓喜歡抓家中梳化，以及各種貓主子喜歡的東西有一定認知。網民Lau Siu Milk在社交平台分享家中主子「戰績」，就是「享用」名牌手袋，又為主子設計對白「禾(我)鐘意羊皮包包，多過羊肉罐罐」，並指「識咬緊係咬今季新款」。相片為一眾網民帶來歡笑，有網民揶揄「仲影(相)唔救袋，有料」，不過身經百戰的Milk則提醒大家，「輕咬不能硬搶，唔係仲傷」。
不少網民笑指主子「識貨」，亦有網民模仿《中華一番》設計對白「主子：加左d(啲)咩咁好食」、「貓奴：係錢，我俾左好多錢落去(手袋)」。帖文亦吸引其他貓奴分享「戰績」，並附上各種設計對白，「唔開罐就抓落去」、「等禾幫mama(媽媽)試下條帶堅唔堅」等。

相關新聞：【網上熱話】打一句有聲音的句子　你今日挑戰咗未？