港男跌銀包遍尋不果 事後憑八達通發現行蹤 網民：報警拉得啦

港男弄失銀包被不知名人士拾獲 對方竟用八達通做1事暴露身份

事主於Facebook群組「香港失物報失及認領」中求助，指自己於荃灣德華公園公廁對出遺失了一個啡黑色的銀包，內有八達通及個人證件，「我係成個銀包跌咗，而且我主要係想拎返啲證件，執到嘅朋友麻煩交警署」。

遍尋不獲，港男事後查看一下八達通消費紀錄，發現有人曾利用他的八達通作新交易，資料顯示八達通最後一筆交易用於電訊公司繳費，花了$266元。事主曾嘗試要求停止交易，「試咗但停唔到」。

網民：呢個年代仲蠢到咁

網民看後紛嘲笑「人蠢無藥醫，呢個年代仲蠢到咁」，事關電訊公司會紀錄繳費資料，使用非本人八達通的「蠢賊」變相自揭身份。網民指「有晒證據，報警拉得啦」、「點解仲會有人貪就手到咁，而家周圍都CCTV同網上紀錄，邊走得甩」、「莫講話銀包，地下有$10都唔敢執，驚畀人跣」、「點解仲有人咁戇居」、「無腦唔好咁貪心」。