【網上熱話】的士曬住果皮接客係咩玩法？

有網民在Facebook上載一張相，顯示一輛的士後座放咗好多果皮，而貼文係「的士曬住果皮接客係點玩法！？」有網民笑言啲果皮可能用來吸菌，亦有網民好認真，話要「求果欄專業人士意見！」
不過睇真啲張相，原來啲果皮唔係柑皮，而係柚皮，有心水清的網民話，「柚皮香味清新，而且好耐用(因為厚皮)」，並形容柚皮係天然空氣清新機。
網民的留言令大家長知識，有車一族不妨仿效呢位的哥的做法，在自己座駕放啲柚皮來辟味，不過踩brake的時候就要小心，否則啲柚皮跌落朋友身上，唔知嬲你好定笑你好。

資料來源：AM730