英國人眼中9大奇怪英文名香港人常用：Richard原來另有意思
移英港人街訪「英國人眼中其怪英文名」 叫Richard原來另有意思 英國人：一定唔會改！
YouTube Channel《是但啦 Whatever_SDL》為兩名移英港人創立，頻道主要在英國街頭就香港的話題而進行街訪或社會實驗，至今已有逾33K Subscribers，人氣不俗。曾經有補習名師取笑男學生改女生名一事備受家長及教育界關注，而主持人Heidi和Lo即以「香港人常用英文名」進行街頭訪問，了解一下英國人對名字的印象。結果發現香港人改的9大英文名在外國人眼中原來都有奇怪印象，當中MC張天賦和Cotton都榜上有名，有外國人更用「Bullshit」來形容；亦有外國人指叫Richard原來另有意思，連主持人都表示「從來都唔知有呢個含意」，確實大為驚訝！
英國人眼中9大奇怪英文名：叫Richard＝叫自己係Dick！
Richard這個英文名，是港男常用名字，有研究社會科學的外國人在訪問中表示「成功人士通常都會叫Richard，通常都忙到陪唔到仔女同老婆」、「一聽個名就知佢個人好悶」、「係一個平凡人」。不過最令人「大開眼界」的是，原來Richard在英國人眼中有另一意思，是「Dick」（即男性生殖器官的意思）縮寫。主持人指以為「Richard」的縮寫是「Rich」，問及由來時對方都指不知為何，但他們的認知就是這樣，指不會為子女改這個名字。
英國人眼中9大奇怪英文名：Bobby是戴眼鏡、態度差的美國人
Bobby在大家眼中，除了會想起歐陽振華外，會有什麼印象？片中的外國人指，聽到Bobby便聯想到戴眼鏡的「肥佬」，「打機宅男，戴眼鏡書呆子」、「好似炸魚店嘅變態佬，一個好差嘅人先叫」、「我隻狗就係叫Bobby，我唔會幫自己改狗名」、「似係一個無咗一隻牙嘅中年男士」、「我諗起Minions個啊Bob」。
英國人眼中9大奇怪英文名：英國人絕對唔會叫自己「Dick」
「Dick」在英國有男性生殖器官的意思，但在港人英文名而言都算是普遍，當地人得知後都表示驚訝，更指其印象是「X頭」，改這個名的人「個身可能有啲臭」、「似日日都去飲酒，飲到醉喺條街到瞓覺，然後畀人拉入警局嘅人」、「似係阿伯名，仲要係自己喺酒吧坐角落頭一個人飲酒」。最後更表示「唔會用生殖器官名嚟嗌自己個仔」。
英國人眼中9大奇怪英文名：對於「Cherry」極不解
以上男生的英文名雖然奇怪，但眾人的反應未及聽到「Cherry」般大。街訪中的男女對於「Cherry」一名，一聽到而皺眉表示驚訝，指「應該只有脫衣女郎會叫呢個名」、「同有人叫Candy一樣咁奇怪，Candy係性工作者，Cherry感覺都差唔多」。亦有網民指「叫得Candy都知咩料，『糖衣毒藥』，笑騎騎放毒蛇嘅人通常叫呢個名，次次遇到都會防備佢，勁有心計同埋一定唔靚！」
英國人眼中9大奇怪英文名：對「Kinki」笑而不語
Kinki在港人心目中都有種活潑女生的印象，但街訪中大家聽到後都表示「真係有人叫？」的模樣，除了笑而不語外，有女生表示「如果叫呢個名，應該畀人Bully」、「叫自己做Kinki嘅人知唔知係咩意思」。翻查字典，「Kinki」有想跟別人進行性行為的意思。
英國人眼中9大奇怪英文名：指「Cotton」為「Bullshit」
「Cotton」這個英文名在港間中也會聽到，最為人熟悉的應是全民造星參賽者之一，現時有指YouTube Channel的Cotton，不過外國人指從來未聽過這名字，更有人形容這名字的印象好「Bullshit」。
英國人眼中9大奇怪英文名：MC＝要做DJ？
MC張天賦出道以來，不論作品、外貌或者緋聞都備受關注，而在街訪中，外國人表示「叫MC係咪爸媽想佢做主持人？」、「叫得MC就應該係MC Hammer（MC Hammer是美國著名Rapper）Fans，佢注定要做DJ」。
網民：不如下次問點睇「Lemon Tea」呢個名
網民看完影片後都「笑爆」，指香港還有很多不能歸類的英文名，有網民更分享其中一次經歷，指「有次去見工，我喺門口填緊form，有個女仔都應該啱啱見完工出嚟，咁個staff問佢叫咩名，個女仔即刻好活潑咁一個小跳步轉身咁講：『我叫lemon tea』，即刻笑到我X街，連入邊啲職員都見佢出咗去之後即刻笑死。」Channel中仍有其他有趣街訪，有興趣也可自行收看！
