英國

陳智燊拍片呻英國「乜都貴」 移英KOL列舉5大反駁位:以偏概全誤導香港人

移民

廣告

藝人陳智燊(Jason)和太太宋熙年(Sarah)離巢無線後轉型做 YouTuber,早前陳智燊在自家YouTube 頻道上推出《JASON在英國》系列,集中介紹英國的日常生活。陳智燊於其中一集分享於倫敦的花費,被移英KOL及網民批評「斷章取義,誤導香港人!」

英國
(圖片來源:[email protected] & JASON)

陳智燊力批倫敦使費高昂

陳智燊近日在自家YouTube 頻道「SARAH & JASON」上載多條關於英國生活的影片,其中一條以「英國首都倫敦乜都貴, 揸車入油貴,搭地鐵貴,坐巴士貴,酒店又貴,食嘢又貴,洗費乜都貴… 惟有搵最平酒店住,同埋打工賺外快?!」為題的影片引起網民熱討。

片中陳智燊分享在倫敦衣、食、住、行的開銷,並感嘆使費過於高昂。

影片發佈後,已移民英國的博主「喬納森在英國日常 Jonathan in UK」在Facebook 專頁發文狠批陳智燊的影片​​​​以偏概全:「陳生喺英國土生土長,竟然可以咁斷章取義,軟性唱衰英國,背後動機令人質疑。」,又指影片「誤導咗好多香港人」!

1.倫敦酒店貴?「係要搵最貴嘅去比較」

影片中陳智燊入住一間兩星酒店,五晚價錢為275英鎊(約港幣2,549元),平均每晚港幣500元。從影片所見,酒店房間有其基本設施,環境整潔。不過陳智燊指廁所內的垃圾桶殘舊不堪,直言「即使是香港的一星酒店,都不會出現如此殘舊的垃圾桶。」

陳智燊指出當地的住宿十分昂貴,並以倫敦五星級Ritz Hotel為例,指入住一晚The Ritz London需要900鎊(約港幣8,343元)一晚。

對此,Jonathan批評到:「堂堂明星走去住Travel lodge唔係問題,但借題發揮話London酒店昂貴,5星級Ritz Hotel要900鎊一晚就好好笑。我6月份住London Double Tree (Hilton 旗下)90鎊一晚,Birmingham嘅Hyatt都係100鎊一晚左右。係要搵最貴嘅去比較,然後話英國所有嘢都好貴,好貴,好貴!」

英國
(圖片來源:[email protected] & JASON)

2. 「有套餐唔嗌,單買貴價漢堡包」

陳智燊指,由於酒店鄰近油站,故此附近的餐廳都是偏貴的水平,他到連鎖快餐店Burger King內點餐,發現單個漢堡需要8.7英鎊(約港幣87元),直言「貴到O咗嘴!」

對此,Jonathan指陳智燊「去Burger King 有套餐唔嗌,走去單買Burger,又喺度話貴。」

英國
(圖片來源:[email protected] & JASON)

3.用Oyster card平過買單程飛

影片中,陳智燊乘搭倫敦地鐵Underground由Zone 5的Hounslow West到Zone 2的White City,單程票價為6.3鎊(約港幣63元),表示交通費昂貴。期間陳智燊轉錯車,又指英國倫敦的線路圖「超級混亂」,直呼「唔想再搭地鐵啦!」

對此,Jonathan就反問:「搭Tube單程話貴,知唔知每日有cap(價格上限)?」

Underground公司為鼓勵乘客使用車票儲值卡Oyster card / 非接觸式信用卡,使用Oyster / 信用卡,可比購買單程車票便宜一半或以上。

此外,在倫敦乘搭地鐵設有價格上限,如果乘車次數較多,當日的車費達到上限時,當天餘下的車程可以免費。

英國
(圖片來源:[email protected] & JASON)

4.警告別到海德公園陰暗位 「維園啲陰暗角落你都唔會去啦」

除了今次這條影片之外,Jonathan亦有隔空質疑陳智燊早前影片的內容,例如在該系列第一集「倫敦1:衣食住行大解構」中,陳智燊曾提及倫敦的海德公園凌晨治安雖然還可以接受,但警告觀眾凌晨時分不要到海德公園陰喑、無街燈照明的地方。

Jonathan反駁指:「幾咁廢話,喺香港你都唔會夜麻麻走去九龍公園、維園啲陰暗角落啦。」

5. M&S買水果嫌貴

此外,第一集影片中陳智燊到英國M&S買已預先切好的水果,表示英國的水果價格高昂。

Jonathan以自身經歷作為例子,表示「我尋日先買完2盒400 g士多啤梨,盛惠3鎊(約港幣27元)。」

Jonathan又指陳智燊力數希斯路機場(Heathrow Airport)的不是,「真心想問佢,有冇諗過放棄英國護照先?」

網民:不如拍返一集講大灣區!

除Jonathan外,不少網民在陳智燊的影片下留言:

  • 「任何地方都有平有貴,如果有人話去中環生活貴,就話香港物價高,我會話佢唔熟悉香港。」
  • 「倫敦城市物價一向都貴,我10幾年前食個麥當勞早餐都要差唔多100港幣。如果真正喺當地住,一定會搵得到平啲既地方買嘢,始終去旅行同喺當地生活係好大分別。」
  • 「我估英國係貴嘅,所以如果齋帶舊錢去,好快洗晒。在當地打份工應該夠cover到開支。」
  • 「既然你覺得倫敦咁差,不如拍返一集講大灣區啦!」

延伸閱讀:曼聯英超包尾、格拉沙家族傳賣股內訌:神秘金主即將入主奧脫福?

延伸閱讀:朱克伯格元宇宙「低清」Selfie倒自己米 惹連環負評急「整容」補鑊

限時福利-3個月免費電子週刊訂閱

即到經一App享用

兌換步驟

1. 下載「經濟一週」App
2. 打開App內「週刊」專區
3. 按「立即訂閱」
4. 按「輸入優惠碼」
5. 輸入「EDNEW2022」並按兌換

完成!!

常見問題

陳智燊對於英國生活有什麼看法?

陳智燊近日在自家YouTube 頻道「SARAH & JASON」上載多條關於英國生活的影片,其中一條分享在倫敦衣、食、住、行的開銷,並感嘆使費過於…詳情請看

網民對於陳智燊的video 有沒有看法?

不少網民在陳智燊的影片下留言指出,任何地方都有平有貴,如果有人話去話…詳情請看

圖片來源:[email protected] & JASON