畢業生見工要做計劃書 網民：咁未開工係咪可以出糧
廣告
過咗剛剛嘅7月，自然就有唔少大學生已經投入咗職場，亦都有唔少係度開始見工。最近就有畢業生係連登分享一個見工時嘅奇聞。
圖片來源：電影《男人唔可以窮》截圖、visualhunt 資料來源：連登討論區
該名巴打係連登分享自己見工時，竟被對方HR要求，要為該公司編寫計劃書，將會於第二輪面試中使用，為該公司的現有業務提供意見。
素來非常尊重平等工作環境嘅連登網民們亦對巴打嘅經歷紛紛抱不平，有精明嘅網友就話好有可能會借presentation，實則就抄咗個idea去。作為打工仔以及搵工人士，有邊個可以確保自己嘅idea唔會俾人抄。
甚至有網友用心理學嚟形容呢種要求只會越來越過份，見工已經要做proposal，咁日後返工嘅要求只會更加需要勞力嘅付出。日後係公司只會越來越辛苦，作為一個年輕嘅畢業生又何必要做呢種工作？
甚至有現實嘅網友問巴打份工係咪俾好高人工，大部分嘅網民都認為只有高人工先值得見工者付出咁大努力去得到offer。作為連登嘅參考，有網民認為呢份工最起碼都要有50k先叫合理。
其實與其要見工者搞咁多嘢，倒不如留返時間同精神去為公司增值，增加更好嘅員工福利，去令到每位見工者更樂意去加入公司，而唔係覺得痛苦咁去完成每個見工前嘅要求。
如果要筆者咁講，你要我地係見你之前要做proposal其實無太大問題，最緊要公司係咪要出咗糧俾我地先。正所謂不在其位，不媒其政，自然就係對呢份工最佳嘅描述。
延伸閱讀：
