打工仔嘆人工低過中位數「無出息」 網民扯火：你慘？我40歲先搵$14,700咋！
廣告
政府公布了2022年第二季的每月就業收入中位數是20,000港元。這個收入中位數，除了是香港人收入的參考數據，也成為了打工仔自我評估的一條界線。有網民就在討論區分享，因為人工低於收入中位數「心感可悲」。更吸引了其他網民鬥慘情！
收入兩萬都無 幾年無人工加
苦主網民在討論區發文，指自己出社會工作已有一段時間，近年無人工加之外，因為疫情關係怕失業，不敢貿然辭職搵工。當知道自己人工低於收入中位數，頓時感到很可悲！
出黎做野都幾年，近3年人工冇乜點加…
上年年尾加左少少人工仲係一萬尾差少少先掂到兩萬…
每日準時返工準時收工都掂唔到收入中位數覺得自己好可悲！
係咪學歷唔高，又冇乜特別技能嘅人已經註定成世人工都掂唔到收入中位數？
用統計學理性分析「收入中位數」
政府公布的2022年第二季的每月就業收入中位數，沒有包括外籍家庭傭工的收入，所以20,000港元是計算了其他本地就業人口的收入中位數。有網民就分析，其實中位數這些數據與轉工與否沒有關係，只是一堆數字！
- 以統計學嚟講，中位數即係有一半人低過呢個數、另一半人高過呢個數。咁實有人低過中位數㗎喎，仲要唔少添！
- 好多同事呢幾年都轉咗工。疫情阻唔到。同埋冇得等佢完，猴痘又嚟緊，唔通成世唔轉工咩？
網民有Offer：搵工、轉行！
有其他網民認為市道不是很差，一樣有收到錄取通知，鼓勵苦主網民毋須太悲觀。畢竟轉工關乎自己的事業發展。
- 我覺得個巿唔係咁差，我淨係今年都已經有三份工請左我
- 樓主冇升過職？如果你發現係公司做咗3年，人工都不如剛入職同職位新人先叫可悲。
- 大把人揾萬幾呀，最緊要做得開心，人生才有希望和意義
網民扯火：慘？我40歲搵$14,700！
雖然苦主網民嘆自己人工不達收入中位數，十分可悲，也有網民自嘲人工萬5都無，想轉一份人工高幾千的工，連面試機會都無！亦有網民嘆經濟差，有收入已經很好。
- 好有同感，我都40歲，人工仲係得14700，想轉工，搵份19,000蚊，連面試機會都無
- 樓主你可以準時收工，點加你人工啊？
- 雖然知加人工唔係必須，但係有通漲都唔加人工真係好慘
- 之後幾年，經濟仲差，真係自求多福
- 老媽子話辭職搵唔到野做既話仲麻煩，搞到我都唔敢跳
- 好彩唔係做零售旅遊業，有啲朋友以前係機場做零售停薪留職足咁耐
政府同一時間亦公布了2022年5月至7月的失業率4.3%，對比2021年的5.2%為低。但總勞動人口（少109,100人）以及就業人數（少98,600人）同樣比去年少。失業率下降亦不代表就業競爭力有所提昇，可能只代表了一部份勞動人口流失。
（2022年9月政府公布數字）
| 2021年 | 2022年 5月至7月 | |
| 總勞動人口 | 3,870,400 | 3,761,300 |
| 就業人數 | 3,670,200 | 3,571,600 |
| 失業數字 | 200,300 （5.2%） | 168,200（4.3%） |
圖片來源：[email protected], 政府新聞處
