搬屋公司接「騎呢」柯打！客人來電求報價：搬副棺材上山幾多錢？
廣告
很多香港搬屋公司提供搬遷服務，不論規模均以高效率、高質素協助客人輕鬆搬屋，部份更提供由打包到搬運一站式服務。日前，有搬運公司在社交平台發文，表示早前接到一位客人奇怪來電，竟然要求搬棺材報價。
搬屋公司接奇怪報價
搬屋公司「貨Van仔（Fvj Logistics）」於專頁發帖文，表示近日收到客人要求報價，原以為只是一般傢具搬遷，但竟然是查詢「可唔可以搬棺木上山」，無奈大喊：「喂大佬，我唔係咩都搬㗎！」
貨Van仔表示：「有個客打電話過嚟報價，可唔可以搬棺木上山？」該公司表示，不知道如何就搬棺木提供報價，直言「唔知報咩價錢俾你好」，又重申「我哋公司係唔搬棺材」。
最後帖文回覆並建議該客人向專業人士查詢詳情，認為「搵返從事殯儀行業人士會好啲」。
網民點睇？
- 「我只係想搬屋啫，點解要歧視我喎！」
- 「如果真係搬呢副，新手抬都好容易反。」
- 「香港山路斜，用竹擔同麻繩懸吊式，然後師傅好似抬轎咁抬的，低重心。」
- 「抬呢樣野一定要知椗先抬得。」
- 「咁堅係支持你哋喎..我覺得。」
- 「可能入面係吉嘅呢？」
- 「差啲就開拓到新商機。」
- 「呢個係對貴公司嘅信任同肯定嚟㗎！」
圖片來源：FB@Vanhk606、unsplash@streuselhaus
