打工仔5大最誇張蛇王大法　經理失蹤1個鐘剪頭髮　去銀行入票順便XX

1. 做飲食業失蹤1小時竟去剪頭髮！

有從事飲食業的網民分享，經理突然失蹤1小時去剪髮，返回舖面時扮作若無其事，但髮型明顯由長變短。老闆與該網民等同事見狀啞口無言，老闆追問經理的行蹤，經理謊稱去「呼吸」，老闆二話不說「即場炒咗佢」。

2. 去銀行入票順便揼骨、做Facial（美容）

有從事會計職務的網民分享，因工作需要經常要去銀行入票，試過夾好時間，又在美容院可自行在網上訂位的情況下，極速完成入票後，立即到隔離大廈揼骨、做facial，全程無人發覺。

3. 打完卡就自由活動

有網民指返公司打完卡即等於自由活動，「見過有同事打完卡去迪士尼」，也有打完卡離開公司的一刻開始，就已經立即踏上歸家之路，在家補眠、打機、煲劇······更有熱愛健身的同事4點便離開公司去做Gym，在臨近放工時間才回公司打卡收工。

4. 趁老闆不在同事們集體蛇王

有網民表示，試過在老闆沒有上班的一天，同部門的同事一起去開雀局，歷時4至5小時，樂而忘返。另有網民同樣趁老闆離港，食飯食了4小時，在2時至3時才是工作時間，之後又直落去酒吧飲到5點放工，下午茶時段已經完成了Happy Hour的消遣，該名網民亦強調：「只係有啲工自由啲」。

5. 入戲院睇戲

到戲院睇戲花的時間長則3至4小時，短則可能90分鐘完場，有網民分別表示曾試過蛇王去睇戲，而且感覺良好。甚至有網民恰巧碰到有明星謝票的場次，「我仲要係睇場有個明星嚟埋搞活動嘅優先場，第二日喺報紙睇到我。」若恰巧地被老闆看到該報道的照片，很有可能「斷正」成為蛇王罪證。

資料來源：連登討論區