返工時間打辭職信又錯！老海鮮鬧爆零零後貪小便宜

樓主：返緊工架！

日前，有網民以「依家啲零零後都幾貪小便宜」為題，在連登討論區發文，鬧爆公司零零後，指「辭職咪辭職，唔做咪唔做，夠膽死係office hour打辭職信，係 office hour send出黎，啊大帝呀，返緊工架，我出緊糧比你，唔該做返職位上面嘅野，啲無聊野咪自己收工，用自己電腦搞，浪費公司資源！」

網民：咁小事都躁底？

帖文一出隨即引來網民熱烈討論，大部分網民均表態撐該零零後員工沒有問題，部分人更分享自己公司有一鍵辭職功能：

• 「辭職係公司既事冇錯啵 。」
• 「我公司個系統有辭職功能，click入去揀辭職，預設已經計好通知期，辭職理由有點心紙剔，幾秒按確定，咁就辭左職了。」
• 「你應該罵佢，點解唔用ChatGPT寫辭職信。」
• 「一個WHATSAPP 夠啦，又環保。」
• 「唔搞Ｘ你算好人啦，岩岩開公司好大壓力呀？咁小事都躁底？」
• 「你都ONＸＸ，從古到今劈炮都係大Ｘ晒，莫講話打信，入廁所打個靚Ｘ都仲得，夠薑你俾補水俾人即走囉腦細。」
• 「有辭職信咁有交帶仲要Ｘ，80後叔叔好難服侍。」
• 「Ｘ你用公司時間上連登，唔好話俾我知你仲係用緊公司電腦上。」

「宜家啲公司都幾貪小便宜，成日放工後私人時間msg我。」

延伸閱讀：光大集團前董事長李曉鵬涉嚴重違紀違法 不足一年兩大高層接連被查

延伸閱讀：華為余承東親口承認「壞機」逆轉：蘋果iPhone故障率是華為好多倍！