21世紀學生被困19世紀班房 薯片叔叔望孵化初創顛覆生態

這間慈善機構雖然叫薯片叔叔共創社,「英文名」卻不見「Uncle Potato」的蹤影,反而是「Esperanza 」。曾俊華親解畫,原來這是西班牙文,翻譯成中文便是「希望」。

為何不用港人普遍都懂的英文「Hope」?曾俊華打趣道,「Esperanza 」字母更多,這長度使標誌設計有更多方案可作選擇;另一個原因,是政治迴避。

「『Hope』會令人以為係政治嘢。用『Esperanza』會令人繼續去諗下,估呢個係賣鞋嘅定做咩呢?可以令人想了解多啲。」

長者不懂用安心出行 凸顯教育制度問題身處21世紀,曾俊華感受最深的其中一件事,是社會生態的走向受三大力量左右,科技自是其一; 另外兩方面是港人壽命延長,以及年輕人對身邊事物的關注程度較

上一代高。

「今時今日好多嘢都係轉變得好快,科技已經係不斷咁改變我哋生活,跟著我哋長壽咗,而家82歲男人;87歲女人,呢個係平均,好多人去到100歲。」

同一時間,這是知識增長爆炸的年代。

19世紀前,曾俊華覺得人們或需一個世紀的時間才把知識水平提升一倍,現在則可能十多個月已達成;以前人的思維是在55至60歲退休,約在70歲時便會離世,但現在人均壽命拉長了許多,意味一旦人們密集求學的階段在20多歲時便停止,隨着時間的推移,與社會脫節的程度愈大。

「有啲年紀比較大嗰啲,嘟一嘟安心出行都做唔到,無理由 嘛,你要有個機會畀佢學習,一定做得到 呢啲嘢。」

再者,年輕人對圍繞自身的事情很關注,價值觀相對上一代有所改變,「呢啲嘢係推動緊所有嘢。如果我哋再唔顛覆,仍然循住而家嘅嘢繼續咁做,係會帶來更加多社會矛盾。」

「薯片叔叔共創社」的存在,就是直接因應科技與長壽的問題尋找出路。

曾俊華分析香港現時的教育架構,往往把資源集中在20歲初年輕人,這種是19世紀的思維,想用最有效率的方式訓練人手去做工業工作,就連課程和班房的設計都是19世紀的思維,「但過咗200年,係咪仍然要用咁嘅課室、大家排晒隊坐喺嗰度讀書呢?」

至於教師培訓,曾俊華也覺得與20世紀的模式分別不大,「19世紀課程、20世紀老師、21世紀學生,呢度大家睇到個問題嘅存在。」

因此,曾俊華認為有需要顛覆現在的教育架構,既然科技日日新,應讓打工仔有機會每隔數年至十年便再培訓,30、40歲時各安排一次,然後60來歲時再學習一次,令香港人步入退休年齡時不會與社會脫節,保持生活質素。

延伸閱讀：東涌告急！映灣園三房腳軟低見800萬 業主「串燒式換樓」即日搬大屋

延伸閱讀：太古城兩房失守「8球」 呎價14,000蚊平過日出康城 網民：業主動態清倉？

閱讀全文 兩種選擇：

1.經一訂閱計劃(揭頁版):

每星期只花少於一杯咖啡價錢，閱覽獨家封面故事及逾35個專欄，任你睇！

*只適用於手機iOS。Android及iPad版本正在開發中，我們會盡快推出。

2.經一共肥計劃(Patreon訂閱號):

錢，一個人搵唔晒，咁不如一齊搵啦！共肥不自肥，賺錢預埋你，現有早鳥優惠，每月10美元，早訂早享受﹗