想打份Hea工但生活艱難 「要邊食邊做 公司你有份咩」|網民熱話

想打份Hea工但生活艱難 「要邊食邊做 公司你有份咩」|網民熱話

【公司・網民熱話】香港地,不論生活還是工作的壓力都是全球之冠,有網民發文抱怨指想舒舒服服返工,但無奈生活迫人。

撰文:SmartED 編輯部|圖片:電視截圖、unsplash|資料來源:lihkg

樓主:

男朋友想我上進返啲,草下經驗,第時可以搵份好工。但我根本唔想返,純粹想搵份舒舒服服,過下日子嘅工。我想一直返pt/炒散仲好,仲多錢過依加,又冇咁chur 輕輕鬆鬆。

見到啲同事。買飯返去食,邊食邊做。公司你有份咩大佬,見佢地咁忙,我呢啲薯仔新人,唯有照跟,食餐飯都唔安落,食食下拎份野嚟話要整。

我日日打機,又唔覺難捱,不過有時,屋企人會問:「你唔悶咩?」我係返盡3 4個月pt 之後去長旅行,冇錢再返,返到夠又開始唔返,loop左兩年。

公司 Hea工 生活艱難 網民熱話
【公司・網民熱話】圖片:電視截圖

相信不少人都是跟樓主一樣,找不到心儀的工作,唯有做兼職、炒散,儲夠錢去旅遊輕鬆一下。不過樓主也是一樣,這種工作生活雖好,但日子一久,就會發現「唔知自己想點,好似有好多理想,但係講到實行又會左顧右盼。」

以下網民的留言可能都是普遍打工仔的心底話:

「返緊垃圾文職,日日都唔知返工為乜,個人又頹又懶,但求安穩過活,但而家份工逼我變,轉工又唔知轉咩。」

「無推動力,又無人可以指點迷津,混混噩噩又一日。只可以怪自己不思進取,知自己係零,但係無改變自己既執行力。」

「畢業之後都唔知自己想做咩,唔想溝女拍拖,唔想買樓買車,唔想學野,只想搵份垃圾工過世,得閑去下旅行。」

「一樣,返緊份頹工,屋企又唔等我養,本身份人無乜物欲、無乜興趣、又唔鍾意social,日日返工等放工,放工等返工,每日就渾渾噩噩咁過日子。」

「又係俾人昆咗返workload大嘅工,又係男朋友想我儲經驗,俾佢成日問想做hea工點有將來老咗點算,半年約宜家捱咗兩個月,想捱到半年後quit,但佢又話想我轉到全職起碼呢行穩穩定定做到老,唉但日日都好辛苦日都匿埋喊。」

公司 Hea工 生活艱難 網民熱話
【公司・網民熱話】圖片: unsplash

 

The user will never see this