唔會搵命博 誓死唔OT 5個一定不能加班的理由 | 職場制勝

唔會搵命博 誓死唔OT 5個一定不能加班的理由 | 職場制勝

職場制勝】喺香港地做打工仔,最怕就係遇到衰上司同無限OT嘅情況!追求工作與生活平衡唔通又有罪咩,當下次上司叫你OT之際,不妨俾呢篇文佢睇!(然後你就被炒了……)

撰文:Smart ED編輯部|圖片:unsplash、電視截圖

1.OT影響關係

長期要同事OT,唔單止影響同事嘅私人生活,破壞人哋共聚天倫嘅時光。

仲會令上司下屬關係惡化,做上司最忌管唔到下屬,所以OT對大家都無好處。

OT,工作,職場,打工仔,香港,職場制勝
做上司最忌管唔到下屬,所以OT對大家都無好處。圖片:unsplash

2.效率差/人手不足表現

同事OT得一個原因,就係做唔晒啲嘢!咁點解會做唔晒?

如果唔係同事效率太低就係安排嘅工作量太多!

正確解決方係請多個人,OT只係幫到一時幫唔到一世,當然好多上司都係逼得就逼,不過人嘅集中能力有上限,加上俾人逼住做仲邊有心情,做得愈耐效率同質量都只會愈低。

OT,工作,職場,打工仔,香港,職場制勝
正確解決方係請多個人,OT只係幫到一時幫唔到一世。

3.多病痛

公司如果睇醫生無福利,咁你就絕對唔好OT啦!

雖然係常識,不過都要提一提大家,當大家OT而令自己瞓少咗,失去身體產生有助於抵抗疾病的細胞激素嘅黃金時間,所以唔夠瞓嘅人會更容易患上感冒和咳嗽等常見疾病。

《European Heart Journal》有研究更指出,一星期做35-40粒鐘嘅打工仔,形成心房顫動(Atrial fibrillation)機率有成40%,OT其實真係搵命博。

OT,工作,職場,打工仔,香港,職場制勝
公司如果睇醫生無福利,咁你就絕對唔好OT啦!圖片:unsplash

4.OT代表自己讓步

人善天不欺但會被人欺!呢個社會就係你退一步,人哋就踏前一步,直到逼到你去懸崖為止。

當上司摸到你條底線,唔單止會將OT當成例牌,平時都會俾更多工作量你,因為你喺佢心目中只係一隻唔識反抗嘅溫馴小綿羊!最慘係咩?

最慘係加人工一定唔會加比你,因為知你溫馴到唔加俾你都唔會走,所以為咗表明自己係一個有堅持嘅打工仔,為己為人,請向OT說不。

OT,工作,職場,打工仔,香港,職場制勝
OT最慘係加人工一定唔會加比你,因為知你溫馴到唔加俾你都唔會走。

5.工時過長影響智商

有澳洲研究指出40歲以上打工仔,只要每星期做多於25粒鐘認知能力就會下降!

香港打工仔一星期分分鐘做夠40-50個鐘,就算你唔係40歲或以上,都有機會愈做愈低b。

OT,工作,職場,打工仔,香港,職場制勝
只要每星期做多於25粒鐘認知能力就會下降!圖片:unsplash

相關文章