每個辦公室都有的「硬文化」留到最後 笑到最後  | 藍橘子 | 經一專欄

每個辦公室都有的「硬文化」留到最後 笑到最後 | 藍橘子 | 經一專欄

經一專欄・辦公室硬文化】每年嘅畢業時期,一定會出現好多職場新人。任何人都經歷過做新人,唔識換飲水機,影印機唔識換紙,老實講,屋企又唔會安裝飲水機或影印機,唔識換都係好正常。不過,未必每位前輩都識體諒新人。教兩次三次都唔識你可以話佢蠢,唔肯做叫懶,但唔可以一開始就話90後 00後嘅新人廢,事實上,每個辦公室都有的「硬文化」。

撰文:藍橘子 | 圖片:電視截圖、iStock

每個辦公室都有的「硬文化」

我喺十多年職場生涯中,以「魚唔過塘唔會肥」為原則,跳糟過好多間唔同嘅公司,但我發現,每間公司入面嘅生態其實都係差唔多。

『有得早走好走啦,遲啲無機會』

剛入職一定聽過呢句說話,當你面懵懵坐喺電腦面前,眼見仲有五分鐘就收工,同事忙得焦頭爛額。然後同事走埋嚟同你講:「你可以走喇,珍惜呢段日子。」起初聽到,你會覺得自己好無用,完全融入唔到團隊。但當你做耐咗,你就真正體會到呢句說話嘅真正意義。

辦公室, 經一專欄, 藍橘子, 硬文化, 工作, 上司, 老闆, OT, 職場新人

其實長時間工作唔代表你有能力,反而經驗同處事能力,冷靜應對突發事件先真正表示你有實力。不過好可惜…職場硬道理就係「留到最後,笑到最後」,晚晚通宵先覺得你係叻仔。

辦公室, 經一專欄, 藍橘子, 硬文化, 工作, 上司, 老闆, OT, 職場新人
圖片:電視截圖

『就係咁麻煩㗎啦,我都無辦法』

發現愈大間公司,工作步驟就愈蠢。例如每份文件要重覆存喺唔同地方,要列印幾次,放喺唔同嘅檔案。話就話想以防萬一怕出錯或遺漏,但其實工序愈多,犯錯率就會相對提高。曾經有間公司,每份文件除咗需要文件輸入,仲要員工用手抄多次以防萬一…

老闆話「用手逐個字抄就一定唔會漏!」「用電腦輸入,存檔就唔驚唔見!」結果員工每日抄寫文件,好似以前返學罰抄咁,事倍功半。

辦公室, 經一專欄, 藍橘子, 硬文化, 工作, 上司, 老闆, OT, 職場新人
圖片:電視截圖

辦公室「硬文化」

好多新人都會提出對於咁蠢嘅工作方式提出質疑,但前輩一定會答:「係咁㗎喇~無辦法㗎喇~」高層唔明白下屬做嘅嘢亦唔聽下屬說話,令下屬更加唔敢提出意見。有能力嘅唔去改變現狀,新人又無能力反抗,最後變成惡性循環,亦係每間辦公室改變唔到嘅「硬文化」。