90後新人辭職派散水餅 派出嚟果下全場講不出聲

90後新人辭職派散水餅 派出嚟果下全場講不出聲

今日又有同事last day,而呢個同事只係6月入職,做埋今日就走,因為做嘢太慢,過唔到試用期。見最後一日,諗住佢會識做人,好來好去。點知佢竟然咁無恥。

撰文:Society      |   圖片: Visualhunt、TVB 金曲獎電視截圖

話說last day 果日,同事諗住約佢飲茶,估佢醒水話會請我哋飲茶,點知佢竟然話唔飲,因為佢想多D 時間買禮物比多D 同事,咁我哋都覺得佢識做。諗住呢個細路唔識做事唔緊要,有心去買份禮,留低的都係一份心意。

點知lunch time 完,佢話多謝大家呢三個月的照顧,佢伸隻手入個袋拎咗三盒樂天熊仔餅,仲要係家庭裝,同事每人分到三包。Chok 個朱古力波都一啖食得哂。全場都牽強笑著不說話。成個場安靜得連時鐘轉動的聲。

派果時仲要話多謝大家照顧,但比我ig story 見到佢係咁插D 同事,話終於離開地獄,唔洗再對住D 老屎忽同事。我真係覺得現在的九十後,若要人不知,唔好太低B。

呢個世界好細,我真係想同你講江湖見。

另一位同樣未過試用期嘅巴打決定咗辭職,但又唔知應否派散水餅,所以喺討論區開post問一眾巴打意見。

資料來源:連登討論區    圖片來源:visualhunt、新傳媒圖片庫

巴打喺連登討論區發文後,旋即引起大量嘅網民留言,為呢位職場新力軍指點迷津。有網友一開始已表明跟本毫無必要喺公司派散水餅,散水餅原意係同共事嘅同事道別同多謝佢地任期內嘅幫助。

作為一位試用期都未過嘅新人,根本要派嘅餅數應該很少,只會有好少數嘅同事同巴打有接觸。有網友甚至留言巴打走嘅時候,分分鐘同事都未記得其全名。

除咗有網友指出除咗返緊intern外,可以博得到return offer,為自己未來搵工多一條路之外,網友大部分都認為咁派散水餅無疑係做壞規距。

甚至有網友認為成日要係office食散水餅根本會阻住其他人工作,既然會阻到人做嘢,咪又只係影響到其他人,派散水餅為留職同事打氣嘅意義只會無咗。有網友就留言話散水餅應該派俾最熟嘅「同事」,分分鐘可能係部電腦。

當中自然有理性嘅巴打甚至認為派散水餅係可以,但應該係你下一份工搵到唔少錢嘅情況之下先派,若果運自己都養唔掂,又何來有錢買散水餅呢?

當中散水餅嘅原意都只係同相處咗幾年嘅同事作一個正式嘅道別,多謝係工作期間一直以來嘅指導,亦都為呢段關係好來好去。

但時移世易,慢慢地散水餅都開始失去了原有的意義,變成了得到return offer嘅其中一個手段,甚至淪為在網上炫耀的手段之一,筆者都有點睇唔透。