為家庭同bb裸辭值得嗎 有人無悔 有人後悔 睇你肯唔肯搏

為家庭同bb裸辭值得嗎 有人無悔 有人後悔 睇你肯唔肯搏

為休息而裸辭值唔值得?近日有網民提到自己已經係高齡產婦,想養好身子生bb。經濟有壓力,但一年半載問題應該不大。近年唔少人為追求自我,放棄份工去睇呢個世界,其實又會唔會後悔?

撰文:麗爾|圖片:電視截圖

「香港地真係好慘,做生做死唔知咩事。」討論區上好多人都表示大家都係被現實叫醒,唔好太多幻想。你有家底、有積蓄,咪冇問題。但窮人命運好似注定咗,只能做到死那一日,不能休息。

香港人擔心嘅問題除咗金錢問題外,就係香港職場原則係career path唔可以斷。

家庭 裸辭 無悔 後悔
【裸辭】圖片:電視截圖

搵小幾千,但開心點,俾自己多啲時間,值唔值都係好睇每個人嘅價值觀。

每個人追求嘅野嘢都唔一樣。有家庭嘅人士已經失去選擇權。喺香港地想要生存,無論你條件有幾優秀,都需要不停地跑。

所謂「落地喊三聲,好醜命生成」。唔咁貪心或者太執著,做人會開心啲。

無咩經濟壓力可以考慮下,識得身邊有人咁做。有人無悔,活得比以前更好。但亦有人後悔,結果 hea 幾年後重投另一行業。

亦有過來人表示裸辭了一年,經濟沒問題,現在做兼職,每天都開心過生活。

家庭 裸辭 無悔 後悔
【裸辭】圖片:電視截圖

有網民認為既然經濟問題不大,可以一試,最緊要有PlanB同PlanC。

裸辭之前,要估算家庭財政問題。建議若果工作壓力太大可以試下轉工先。祼辭除咗考慮錢,仲要諗下自己祼辭後嘅生活。例如日日訓醒會有咩做。唔洗返工嘅日子頭一個星期一定覺得好爽,但時間耐咗想做返野又搵唔到工果陣就會有壓力。

有人提到高齡產婦更加要賺錢同埋轉工,唔做嘢絕對唔係方法。擔心日後想出返來做,搵工變得困難,變相提早退休,又或者搵到嘅工作人工福利侍遇未必有現在咁好。

家庭 裸辭 無悔 後悔
3

好多女士都以家庭為重,有人支持樓主要為自己而活,想生小朋友不要太遲生,對自己及小朋友都好。錯過了生育時機就追唔返,錢大把機會揾。

有留言者表示自己現年40歲,有一層供滿左嘅自住。上年5月尾裸辭,搵左四個幾月,到十一月先開工,比想像中慢不過都算搵到。所以認為如果只係一年半載問題應該不大,可以放心去馬好了。

唔返工有bb 可以輕鬆養胎,休息期間都要搵野學下自我增值,善用時間。

家庭 裸辭 無悔 後悔
【裸辭】圖片:電視截圖

延伸閱讀:

公共交通費用補貼計劃 7仔 八達通服務站有得拎