花紅 同事 辭職 打工仔 工作 公司 網民熱話

同事無花紅收 即遞信辭職 留唔住人係公司要反省 | 網民熱話

社會熱話

廣告

網民熱話】有人事部高層在討論區發文指,近日公司發花紅,其中一位同事因為「學野慢,份人又蠢」,所以沒有收到花紅,該同事沒有反省自己的不足,更遞信辭職,令樓主愈想愈嬲!

撰文:亨利 | 圖片:新傳媒資料室、unsplash

同事無花紅收,樓主話:

「有幾個同事學野慢,份人又蠢,咁我身為人事部高層,梗係無派到花紅比佢地啦!
本來諗住佢地會反省自己既工作態度,但佢地唔反省不特止,仲起同一日向我遞信辭職。
好似我公司唔派花紅比佢地係我問題咁,我公司唔炒佢地都算,仲要用呢種態度回應我地公司,諗番起真係愈來愈嬲!
唯有出reference letter既時候,儘量寫得衰D,等佢地搵唔到其他工」

網民告訴樓主已所不欲、勿施於人,認為該員工走得好!

「人之常情」、「冇前途,走得正確」,「走得好」、「公司派花紅沒份,鬼同你做咩,梗係走人啦!」。

有網民認為樓主不用這麼絕情,「人地辭工你都寫花人,你都係小人啦」、「好來好去就算,還插人一刀」、「香港真係好多痴線既hr」。

網民表示,工作就是為了錢,不是為了反省,人工低當然要走。

樓主反駁指,「如果你返工係呢種態度,我諗你轉到咩公司,人工都唔會加得多比你」。

另外,有網民表示真正要反思自己的人是樓主,「留唔住人係公司要反省,唔係員工」、「身為管理層既你,竟然領導出一班表現差既下屬,係咪應該引咎辭職呢?」,「人事部變相用花紅搞分化,緊係辭職啦,人事部應再培訓人事管理」。

有網民指公司的管理層反應公司的質素,「間公司的人事部有你呢d人管理,間公司離死不遠了」。