網上熱話｜西九法院對面行人路曬衫　衣物散滿一地「同冇洗有咩分別」

本港天氣近日陰晴不定，大家當然要把握陽光普照的日子晾衫。不過，有網民日前在深水埗東京街西近富昌邨富良樓的行人路、西九龍法院大樓對面，發現竟有人把一堆衣服和雜物，擺在地上、巴士站及欄杆晾曬，直言這是「好癲喪」的土地問題。
在Facebook群組「深水埗街坊會」，有網民就提到，衣服洗滌後放在地下「同冇洗有咩分別？」亦有人質疑「曬衫，放係(喺)欄杆我明理解，但擺返係(喺)地下仲污糟返」、「D(啲)衫乾淨變咗仲污糟」、「放欄杆都算，地下都放？」
此外，有人就認為圖中衣物並非晾曬者自己會穿著的衣服，「呢啲衫好可能係喺回收箱裏面嗰啲嚟㗎，呢啲人以為咁樣整乾淨再落去買(賣)囉」、「有啲衫，我認為佢哋係攞去賣呀，鴨寮街地攤」。

資料來源：AM730