28歲打工仔搵24K 醒覺時日無多不敢偷懶「通常30歲就定咗型㗎啦」 | 網民熱話

28歲打工仔搵24K 醒覺時日無多不敢偷懶「通常30歲就定咗型㗎啦」 | 網民熱話

打工仔網民熱話】有打工仔指自己28歲,再過兩年就3字頭了,但自己的人工與朋友相比差一大截,不知道如何從後趕上。

撰文:亨利 | 圖片:電視截圖、unsplash

樓主:

「先利申屋企普通中產比上不足比下有餘

畢業亂入行做sales,老底13但平均20K
做左2年覺得辛苦又毒毒地,入番做文職15K
做左3年,今年頭加到19k

上年年中先驚覺身邊有料既大學朋友已經30up
無乜料既入正苦又25up
先知自己大落後,好廢
決定轉工,搵左半年搵到2份
一份24K,另一份sales 2頭commission

今年28歲,心諗2年後3字頭了,好sad
點追落後?」

打工仔 轉工 工作 職場 大學 朋友 月入 中產 發奮 網民熱話

其他打工仔有咩意見?

網民認為既然樓主屋企沒有負擔,就應該享受生活,「自己搵自己用」、「人比人比死人盡左力就算,既然你都唔等錢養家」。

「啱呀如果冇諗住生仔搵咁多錢都冇用,搵得幾多米使幾多囉 得閒有閑錢咪儲下,買下少少股票都夠啦 ,過得開心就夠,所有人追求嘅嘢都唔同㗎啦」。

有網民指「我見好多人類似你咁的情況,後來都會去左做保險」,另外有網民點應指「做左保險一年半載交唔到數又係跳返出黎由頭黎過,見唔少」。

打工仔 轉工 工作 職場 大學 朋友 月入 中產 發奮 網民熱話
圖片:unsplash

有網民表示十分有同感,「霎眼廿七歲,時日無多方不敢偷懶」。

「我醒覺時係25,都會後悔點解唔早兩年發奮,其實上面講得岩,當你一日有比較心態,你點都唔會滿意,會不斷同人比但我好enjoy,因為有咁既心態先會不斷進步,個人價值就係咁出黎」

「通常30歲就定左型嫁啦,事業仲係無career path 既,40歲都一樣揾中位數附近….」

打工仔 轉工 工作 職場 大學 朋友 月入 中產 發奮 網民熱話
圖片:unsplash

亦有網民指自己與樓主身處同一困境:

「唯一唔同我loser過你好多,你fg起薪肯定高過我28個時既人工,可能我29個時都未必衝破到你個fg起薪」

「樓主,我情況同你一樣,畢左業諗住搵多d錢去左sales仔,一做做左5年,之後轉做文職由低做起,依家又係搵梗19k」

「我31歲,同事28歲,大家都係15k」

打工仔 轉工 工作 職場 大學 朋友 月入 中產 發奮 網民熱話
圖片:電視截圖

有網民鼓勵樓主,「我都係28歲先搵到自己鍾意既工,做邊行真係要睇性格,睇際遇」、「最緊要應付到,好似人地跑步咁慢慢練上到,無人要你同世界第一比」、「唔好同人比較,做好自己就得」、「自己開心最緊要,人人目標唔同」。

打工仔 轉工 工作 職場 大學 朋友 月入 中產 發奮 網民熱話
圖片:unsplash

相關文章