大學生畢業10年都買唔到樓? 網民:大學生 ≠ 有能力|網民熱話

大學生畢業10年都買唔到樓? 網民:大學生 ≠ 有能力|網民熱話

網民熱話】香港樓價貴絕全球,雖然大學生初入職場嘅起薪點又增加,但完全追唔上樓價升幅。對於大學生來說,擁有一個「安樂窩」似乎遙不可及,有網民感概,本地大學生畢業10年都未必買到樓。

撰文:Smart ED編輯部 |圖片:電視截圖、unsplash |資料來源:香港討論區

畢業10年都買唔到樓

樓主以「呢個甘(咁)既(嘅)樓價,本地大學生畢業10年都未必買到樓」為題出帖,表示如果大學生月薪以15k起步,

「做野(嘢)10年當人工去到6萬,荃西而家1房1000萬。10年後可能1房2000萬」

問「無父幹下可以買到咩樓」?

香港 大學生 畢業 樓價 能力 網民熱話

1000萬以下大把選擇

大多網民就質問樓主,點解一定要買1000萬嘅上車,價錢較低但偏遠小小地區仲有大把選擇。

「點解唔可以買400-600萬得舊樓村屋單位等等放租先,再邊收租邊儲錢。如果一跳要跳到1000萬樓,入職搵得嗰15000蚊嘅所謂大學生唔啱玩呢個遊戲。

「普通打工大學生唔應該好高騖遠,畢業十年就想買荃西豪宅,應先考慮各區唐樓,舊樓,或劏房」

仲有網民直斥「大學生真係高人一等,上車都已經睇緊1房1000萬。平過一千萬嘅樓係俾狗住的嗎?

香港 大學生 畢業 樓價 能力 網民熱話
圖片:unsplash

大學生 ≠ 有能力

又有唔少網民表示大學生周街都係,大學生唔代表有能力:

「現今大學生代表什麼?咪又係普通人一個 十間八間大學每年畢業一街都係」

「咩d樓唔係俾大學生買架!係俾d有能力嘅人買嘅!大咩學生唔等同有能力啊!

仲有網民表示大學生在社會的含金量已經降低了很多,讀大學唔係讀專科如醫生律師,根本就冇前途。

靠父幹係理所當然

有網民話「今日喺呢嗰世界生活,出面個經濟已經計算咗啲人係有父幹嘅。個別冇嘅人只能夠自己辛苦啲,希望可以憑自己嘅努力同運氣去追。

香港 大學生 畢業 樓價 能力 網民熱話

The user will never see this