被炒老闆唔俾走 要坐足一個月「公司係搵員工笨」|網民熱話

被炒老闆唔俾走 要坐足一個月「公司係搵員工笨」|網民熱話

老闆網民熱話】有網民在討論區指被炒仍然要返工,過海來回交通錢都要30元。而且他指同事每日都OT到11、12點,但坐的士返屋企仲冇得claim錢,故此大多同事都是做一兩個月就辭職

撰文:Natalie|圖片:unsplash、電視截圖

樓主:

「我真係唔明,炒完人仲要唔賠錢比人即走,要人坐係度一個月,係乜嘢心態?佢都幫唔到咩手㗎啦,點解要係度浪費大家時間?

係咪因為可以繼續點個員工做野,綁住佢唔比佢見工,等佢冇得收代通知金日日係屋企坐唔洗做係呢一個用到佢盡?」

老闆 交通 打工 公司 員工 同事 OT 網民熱話

老闆要用盡員工

不少網民都指公司這一招相當高明,既不想賠錢於涉事員工,又可以繼續要員工做事。

「擺明唔想俾錢佢即走,又想玩佢一個月,睇下佢忍唔忍到,掉返轉佢賠錢俾老闆即走。」

「用盡你唔想蝕比你。」

「公司炒人係要賠一個月,員工唔做俾信,一係賠一個月,一係留一個月。公司唔會俾辭職信俾員工的,只會員工俾信公司,所以有分別。公司要留一個被炒既員工係搵員工笨。」

老闆 交通 打工 公司 員工 同事 OT 網民熱話
圖片:unsplash

原來樓主的個案只是冰山一角,有不少網民指自己亦曾經歷過:

「前公司遇到過!同事仲係老闆既親戚,老闆俾通知後就要佢停止所有工作,但要準時返公司坐!真係罸坐咩都唔準做,電話都唔準聽。」

「見過最絕就係過農歷新年前Annual Dunner嗰日炒,唔俾去食,年三十晚個個收3點佢要坐到正常時間6點先打卡走得,過咗年要繼續返多二星期,人人有開工利是佢冇。」

「我都試過,細公司,連個一個月都豪唔到俾人, 唔係對個別員工有仇個種, 係裁員, 俾曬大信封後個個罰坐一個月, 希望用到你幾多就幾多。」

老闆 交通 打工 公司 員工 同事 OT 網民熱話
圖片:unsplash

相關文章