鍾意遲放工 為上網留喺公司OT  「善用公司資源,節省家居能源」 |網民熱話

鍾意遲放工 為上網留喺公司OT 「善用公司資源,節省家居能源」 |網民熱話

【OT・網民熱話】身為打工仔嘅你。係咪一放工就急不及待想離開office?最近有網民提到,公司有同事放工唔願走!到底因咩原因咁鍾意公司,留多一秒得一秒?

撰文:麗爾|圖片:電視截圖、unsplash

樓主:

我有個同事明明無咩野做, 但晚晚都留係公司OT, 6點放工佢最少留到10,11點, 我地成班同事都覺得佢奇奇怪怪咁, 有次我都OT到好夜, 細問之下, 原來佢屋企個上網俾人霸住左, 返到屋企俾人扯走哂網速, 上唔到網, 既然都無野做, 所以寧願留係公司做下野上下網咁…俾著我寧願返屋企訓下覺好過啦…真係搞笑

OT 遲放工 上網 公司 公司資源 節省 家居能源 網民熱話
【OT・網民熱話】圖片:電視截圖

可以扮勤力

雖然唔少網民懷疑呢個係咪真係佢OT嘅理由。不過都覺得咁幾好,起碼可能會令老細以為佢勤力。

加上公司有冷氣歎,可以慳返屋企啲電費、水費、厠紙。鍾意的話可以順便沖埋個涼先至返屋企。

有人問到,唔通依家仲用緊56k?去老麥坐個網都好快。以前得56k年代,同事真係放假都返公司為咗上網。認為浪費好多燈油火蠟水電煤,除非必要,OT其實好浪費公司資源,應該要趕佢出公司。

網民留言:今時今日仲會俾人霸上網扯網速?

佢仲用緊電話線上網?

分明想做老闆睇佢有幾勤力

網民留言:依家1000M寬頻上網月費都唔貴, 佢唔係咁都唔捨得比下話?

以後OT叫佢幫手

其實現實中有不少都因為約咗人未夠鐘ot下先。有網民提到以後OT有嘢幫手可以有多個人。

返工時間hea 做,揸流攤。放工時間扮忙,然後OT到夜晚,其實係香港好普遍現象。

OT 遲放工 上網 公司 公司資源 節省 家居能源 網民熱話
【OT・網民熱話】圖片:電視截圖

很多人都表明自己公司都有人放工後唔想返屋企。有網民提到公司一名3x歲女同事,獨身自住, 唔想太早回家, 晚上係公司叮飯OT,,晚晚食埋dinner8/9時先走,回家得一個。而該公司因為有「OT 文化」,所以點都會有1~2個同事陪佢, 佢寧願係公司做下嘢, 上網, 都唔願回去。

唔少人真係覺得返屋企都無事做,又無街去(宅底),所以唔介意狂ot。

有網民上司4x歲單身,朋友唔多,內向,父母已走咗,佢出咗名ot狂,ot到大家1夠鐘就迫佢收工。

有同樣經歷者表示公司有同事唔想放工對住4幅牆,成日召開會,搵人傾計。一樣嘢,講完又講,改完又改,令到人地正常辦公時間做唔到工事,目的想人地一齊加班。

有啲男同事話唔想咁早返去對住老婆,所以OT。亦有人因為唔想返去幫奶奶煮飯, 所以日日OT, 認為喺公司可以自己一個enjoy下。

另外有人表示自己曾試過因為在公司睇緊一個電視節目, 想睇埋先走,所以 「OT」咗成個鐘。有過來人試過返工掛住睇股票,股票收市就開始工作,結果要OT。有網民笑稱以上種種表現,都係當公司係另一個家的表現。

網民留言:我朋友住元朗大X偏d既村最入,只俾到3M佢。真係有錢都俾唔到高速寬頻

OT 遲放工 上網 公司 公司資源 節省 家居能源 網民熱話
【OT・網民熱話】圖片:電視截圖

 

最後有網民補充,唔好聽人講咗呢啲理由就覺得係咁,好可能其實背後有其他更慘嘅理由。可笑還可笑,但都尊重番佢。

最簡單一句,如果返屋企係開心啲嘅話,邊個唔想返屋企?

「btw呢啲員工先醒,屋企寬頻錢都慳返。」

相關文章