公司旅行唔俾用BNO 要整特區護照 網民:唔使自己出錢 想去咪照做|網民熱話

公司旅行唔俾用BNO 要整特區護照 網民:唔使自己出錢 想去咪照做|網民熱話

【BNO.網民熱話】近日有網民以「公司旅行唔俾用BNO,迫人申請火車頭護照先有得去!」 為題發文,指出公司請員工去日本旅行,而自己係BNO護照,「公司話去日本唔可以用BNO」,仲要樓主申請特區護照先可以去!

撰文:Smart ED編輯部|圖片:新傳媒資料室、unsplash討論區截圖

公司:去日本唔可以用BNO

樓主指,公司一年請大家去一次旅行,今次去日本。「咁叫我地交passport copy,我就交左BNO copy啦,公司話去日本唔可以用BNO。」

網民熱話 BNO護照 特區護照 公司旅行 員工 日本 簽證 領事館
樓主指,公司一年請大家去一次旅行,今次去日本。圖片:unsplash

而得到嘅回應係「上頭講的」,樓主再質問「我話BNO去日本唔使簽證喎,仲揭俾佢睇我之前都用BNO去日本。」之但係公司指:「他話唔理,話想一齊去就去申請火車頭(特區護照)!」

網民熱話 BNO護照 特區護照 公司旅行 員工 日本 簽證 領事館
樓主指,公司請員工去日本旅行,而自己係BNO護照!圖片:新傳媒資料室

網民:申請多本有咩所謂

此貼一出,即刻引起廣大網民熱論!大多數網民都覺得既然公司請去旅行,又唔使自己出錢,申請多本特區護照都冇蝕嘅:「跟公司免費旅行要聽公司話冇問題呀」。

網民熱話 BNO護照 特區護照 公司旅行 員工 日本 簽證 領事館
大多數網民都覺得既然公司請去旅行,又唔使自己出錢,申請多本特區護照都冇蝕嘅。圖片:unsplash

有人就問返樓主「咁你想唔想去啊?想就照做咪得囉,人地出錢你仲要求多多」、「能夠順利出入境,用邊本護照有咩所謂,用少一次BNO有咩問題?」有網民直接就話「其實用特區護照去日本係唔使簽證㗎,去得咁委屈咪唔好去囉!」

網民熱話 BNO護照 特區護照 公司旅行 員工 日本 簽證 領事館
有網民直接就話「其實用特區護照去日本係唔使簽證㗎,去得咁委屈咪唔好去囉!」圖片:unsplash

用BNO向領事館求助好麻煩

有網民覺得公司係因為如果有意外要向領事館求助,用BNO就會麻煩好多:「出意外要領事館求助,冇人理你,唔通公司出錢?」

有網民質問返樓主,如果揸住BNO出事可以搵邊個幫手:「如果把護照只當做旅遊證件都可以的,但萬一在旅行期間出了事,需要找大使館幫手的話,你揸住BNO可以去邊度找人幫手呢? 你去英國大使館? 你真係認為會有人SO你? 」

「會唔會怕你地一班人同時係日本出事。個個都去搵中國領事館求助,你就麻麻煩煩要去英國領事館。」

網民熱話 BNO護照 特區護照 公司旅行 員工 日本 簽證 領事館
有網民覺得公司係因為如果有意外要向領事館求助,用BNO就會麻煩好多。圖片:unsplash

其他精警留言:

「其實呢間公司要統一用特區護照好有道理。所有事安排都容易D啦。吾(唔)係嘅話你用bno,有啲用英國,有啲用澳洲,加拿大護照。成件事。統籌個人都複雜左(咗)啦。你本身無特區護照,只係得BNO, 就你吾(唔)好彩喇。」

「又話公司年年都去?你第一次去呀唔知規舉(矩)咩?乜特區謢照去日本要簽證㗎?」

網民熱話 BNO護照 特區護照 公司旅行 員工 日本 簽證 領事館
圖片:討論區截圖
網民熱話 BNO護照 特區護照 公司旅行 員工 日本 簽證 領事館
圖片:討論區截圖