買股要買強勢股  今輪升市邊啲股份跑贏大市?

買股要買強勢股 今輪升市邊啲股份跑贏大市?

港股今年一開局就跌,好多股份都跌到好殘,嚇怕唔少散戶。但股市在2月已經悄悄回升,唔覺唔覺,恒生指數差400幾點就收復今年失地。再望真啲,原來唔少股份已經跑贏大市,一早突破咗去年底收市,創今年新高。

投資智慧都有話,強勢股永遠跌就跌得少,升就永遠升得快,呢啲股份隨時會係下半年繼續升。究竟今round升市之中,邊啲屬於強勢股,小編就搜羅咗以下股份。(詳見下表)

先睇睇強勢股,公用板塊明顯跑贏大市,大大拋離去年12月31日收市價,尤其是中電控股(00002)、電能實業(00006),其股價不斷攀升,高息股在這個時勢發揮強大的資金避險作用。

跌到殘的資源股亦絕地反彈,隨國際油價回升,三桶油均升至少10%,以中國海洋石油(00883)反彈近25%,更令人振奮。

一直被視為朝陽行業的科網股,當然唔少得佢地份,騰訊控股(00700)呈現強勢,高見167元,直迫歷史高位171元。網龍(00777)的後勁亦見凌厲。汽車股廣汽集團(002238)及體育股特步國際(01368)亦由低位回升至近52週高位。

至於弱勢股,金融股明顯呈弱勢,銀行股更只得中銀香港(02388)和東亞銀行(00023)可以返到去年12月底的家鄉,其他大型銀行和內銀仍然低沉,其中大笨象滙豐控股(00005)今年仍要跌15.7%。綜合企業亦見弱勢,大市反彈至今,只有少數公司可返到家鄉。



你可能有興趣
【一次過睇晒藍籌國企業績表現】
http://www.edigest.hk/Vip/detail?id=2512

【去年最賺錢板塊 今年業績隨時變臉】
http://www.edigest.hk/Vip/detail?id=2525

相關文章