WhatsApp Group 12個犯眾憎行為 你唔會有做過啩

WhatsApp Group 12個犯眾憎行為 你唔會有做過啩

WhatsApp 「@人名」tag人功能,逼平時 WhatsApp group一班潛水友要上水,就算佢地mute咗group都會彈出通知,令佢地無藉口再唔睇group message!
新功能對一班打工仔嚟講真係好悲哀,造就老細同身邊嘅同事可以喺非辦工時間chur人。如果你係有良心嘅老細、比較高職層啲嘅同事,就真係唔好用到咁盡喇!

其實用 WhatsApp 都有幾多避忌,尤其係Group Chat,筆者就總結了以下12個 WhatsApp Group大忌,盡量唔好犯喇~

1.咩都要錄音
有時WhatsApp group有成十幾個人,未必個個Message都關你事,如果每個錄音都成分鐘,邊個會想聽!? 一兩秒講咩「好啊」或者「OK」呢類打字啦好嗎!?
2.乜都擺上Group
有時Whatsapp group可能只為工作需要,又或者係為gather成大班人,但唔使乜都擺上group講嘅。無人想知你今日做咗咩同食左乜,下下幾百條Message都咪話唔煩!

3.成日已讀不回
已讀不回friend都算,做正經嘢時唔應公司大group真係好乞人憎。有時你可能叫同事send返啲重要嘢比自己,同事只會藍剔咗但零回應,都唔知佢收到定收唔到。

4.成日Hea覆機
已讀不回都算,最嬲係Hea覆人! 如果只係應「哦」、「嗯」、「好」呢類,真係「唔覆好過覆」! 如果同事成日「哦」你,你都唔知可以點覆佢,同埋會覺得唔多有禮貌。
5.做話題終結者
「話題終結者」係結束對話嘅人。有時喺Group開咗個topic傾,明明一開頭氣氛都好好,唔知點解硬有啲人一出聲就會全世界Dead晒air,即時完左個對話,搞到成個氣氛勁Odd。

6.成日打千字文
正常無人想睇一大堆文字,試下列出重點,同事都睇得舒服啲。再唔係就直接打電話講可能仲直接易明!

7.半夜搵人
如非必要,就唔好夜媽媽先send message俾人啦!每個人都想有覺好瞓啫! 臨瞓睇到message都勁大壓力,又點會瞓得著呢?!當然有緊要事就另計啦! 但小事就唔好半夜三更搵人,都唔知應唔應你機好!
8.避免離題
夾好時間,齊晒腳集中傾重要話題,盡快傾好,唔好嘥大家時間講其他話題。
9.斷斷續續發炮
係group入面你一言,我一語,好容易你講嘢時會被人打斷。唔連貫咁send message,唔單止係朋友,連同事都睇得辛苦。好好利用早前添加嘅回覆功能,可以避免呢個問題。

10.Add人入Group
Group入邊嘅人最好都係識嘅,唔係只會製造更多潛水員,講咩話題都唔上水,咁不如一開頭就唔好add佢啦!
11.隨便Quit Group
Quit group總係有原因,撇除技術上如轉電話、換卡等原因,你自願Quit group前禮貌上都應該講聲「我走喇!」,否則會被人覺得你串,唔重視其他人。
12.DelGroup唔同人講聲
用左whatsapp 咁耐,總有D荒廢左好耐嘅group,如果你覺得已經再無價值留低,Quit group前都有禮貌地say bye bye!

關鍵詞
WhatsApp