住慣馬鞍山  就唔願搬返出市區 原因係…

住慣馬鞍山 就唔願搬返出市區 原因係…

真人!真事!
朋友: 「最近我同幾個朋友去北角睇樓。」

筆者: 「覺得點呢?」
朋友: 「好貴。」
筆者: 「港島樓嘛,當然貴啲。」
朋友: 「又吊腳。」
筆者: 「吓?!北角喎!好吊腳?」
朋友: 「我住嗰度方便好多。」
筆者: 「你好似住馬鞍山喎!」
朋友: 「有車直接返到公司,唔使日日逼港鐵過海。」
筆者: 「環境呢?港島區唔係好啲咩?」
朋友: 「馬鞍山好好多,又冇咁逼人,空氣又好。」
筆者: 「所以你都想買番馬鞍山?」
朋友: 「哈哈,你真係了解我!」
筆者: 「價錢唔平喎,呎價泊得住市區!」
朋友: 「你唔明架啦,住過你就唔想搬去其他地方。」

文:1%Anthony

 

很多前輩都大跌眼鏡,覺得難以理解!

筆者十年前剛剛出道買樓投資,前輩都說Location很重要,愈接近CDB就愈值錢,港島應該貴過九龍,九龍應該貴過新界,筆者自小在市區長大,非常Buy這套觀念。

港島應該貴過九龍,九龍應該貴過新界,筆者自小在市區長大,非常Buy這套觀念。

 

直至近年,身邊不少年青朋友,情願住在偏遠的新界,也不願住在繁華的市區。

最初筆者還以為是因為價錢問題……

以為因為市區貴,年青人上車買唔起,所以才選擇新界。

以前或者是因為平,然而近年政府不斷推出辣招,細價樓遠遠跑贏大市,尤其是基數低的新界區上車盤更受年青人歡迎,價錢亦逐漸追上來。睇番最近成交,以朋友的新界東為例,馬鞍山指標二手屋苑如新港城、馬鞍山中心等,成交呎價逾$1.4萬,比很多九龍區二手樓還要高。

 

沙田區指標二手屋苑如沙田第一城,成交呎價逾$1.4萬,河畔花園、沙田中心等更逾$1.5萬,比很多港島區二手樓還要高。既然價錢相差不遠,為甚麼不選擇市區呢?兩個可能性,一,他們對樓市行情不熟悉,以為市區一定貴,所以沒有到市區搵樓。二,他們真心喜歡新界,願意付出這個價。

 

很多前輩都覺得,價錢相差不遠,是不合理的……

前輩A: 「日日嘥兩粒鐘搭車,梗係揀市區啦。」
前輩B: 「租金回報差好遠喎,市區樓好租好多。」

不過年青朋友卻不是這樣想……

朋友A: 「市區好多人、好逼,新界舒服好多。」
朋友B: 「都唔係好唔方便啫,有車直到公司。」
朋友C: 「市區多數單幢樓,新界多大屋苑,環境仲正。」

加上新界土地供應多很多,很多新樓盤,甚至是上千伙大型新盤,發展商大灑金錢宣傳推廣,令人對新界樓全面改觀。

 

甚麼是對?甚麼是錯?

現在不是中學考試,沒有Model Answer!
只要買家喜歡,願意花錢買,就是市場!
無論前輩們有多少經驗,無論理論上有多不合理,沒辦法!現在的市場由用家主導,他們很多時候都是用自住角度考慮,而不是投資思維,尤其是新一代年青買家,買樓不是求賺錢,最重要是快樂,就是一句:「自己住,冇所謂啦!」已經KO所有理論了。

 

不願接受,還需接受!
投資就是要考慮市場的變化…市場就是這樣蠻橫的!

作者為1%投資培訓的地產課程總監,著有《買樓上車防中伏》、《上車又住又賺》、《樓。轉命運》、《工商舖小本投資入門》、《50 萬上車》、《投資買樓賺錢筆記》等等,其博客《第一桶金》總瀏覽量逾300萬人次,曾接受多間傳媒專訪及出任電台地產節目嘉賓主持,並擔任TVB節目「有樓萬事足」顧問。2000年科網股爆破,曾欠下近一年薪金卡數。經債務重組後,2004年股樓雙線出擊,短短四年由滿身卡數打工仔,變出六層樓。其後與投資兵團大舉出擊投資物業,並進軍商鋪、工廈市場,以穩健投資策略,成功變出雙位數物業。

facebook專頁:www.facebook.com/anthony.wealth

關鍵詞
馬鞍山