人工$70,000壓力爆煲辭職 學啲後生仔去Working Holiday

人工$70,000壓力爆煲辭職 學啲後生仔去Working Holiday

人工網民熱話】呢個打工仔,打咗20幾年工,喺同一個機構工作,做到中層頂最高層未到的位置,人工接近$70,000,老細話,過多兩年升我坐正咁話,到時人工再多兩三皮,真係邊度都唔捨得去。

撰文:不覊 | 圖片:電視截圖、unsplash

人工包埋受氣?

以上係我一個老朋友的寫照。我哋成班朋友都好羨慕佢,事實上,佢有今時今日都係值得的。

呢個老友由細到大出名勤力,大學畢業就入咗一個大型機構做嘢,其間又不斷進修,為機構扑心扑命,佢攞到呢份人工同坐到呢個位,係絕對應得。

之但係,每件事情都總有代價,佢坐得呢個位,當然要食唔少屎,朋友話,佢對上嗰個係失婚婦人,脾氣有啲古怪,總之係女人情緒發作之日,就係朋友受氣之時。

人工 打工仔 同事 上司 收入 工作 職場 中產 網民熱話

近年機構要捽數,老友當然首當其衝,佢單身寡佬一支公,我見佢平日晚晚都OT到了11、12點,好多時連星期六日呀、紅色假期都要返工,話就話補返,但點可能補到呢?去到年尾,咪一次過報銷囉。

咪睇佢好似一人之下萬人之上,下面有成班手足跟佢搵食,咪以為好威風,查實都係有苦自己知。

尤其而家啲90後小朋友,成日怨人工低,又話做幾多年都買唔起樓,返工無人生目標同樂趣,一個唔鍾意就話唔撈,你真係企咗喺度。

人工 打工仔 同事 上司 收入 工作 職場 中產 網民熱話

講返個老友,佢話最大問題係工時太長冇得休息,同埋上頭捽數,以及永遠都做唔完的工作。

老友最近發現自己身體好差,唔知點解,一早返到寫字樓就會肚瀉同胃痛,日日如是,間唔中會身上出紅疹,哈,但好奇怪喎,每當放長假,嗰啲病徵就一下子消失。

但係一返工呢,啲病徵又會走晒出來喎。捱到今年年尾,朋友終於做咗一個重大決定,就係放棄佢份高薪厚職。

人工 打工仔 同事 上司 收入 工作 職場 中產 網民熱話

佢話打算學啲後生 Working Holiday。講笑咩,都成 40 幾歲人挨近5張,有邊個國家肯接受你呢啲老鬼去 Working Holiday先。老友話人哋唔接受咪自製囉。

呢個老友勝在儲蓄為王,咁多年來都唔大洗,加上一支公又冇拖拍,幾乎每個月一大截人工儲起。

到今天,你話佢提早退休又好,出國學啲後生 Working Holiday又好,至少搵返自己生活。

老友話,佢好想去韓國住一排,學吓韓文,已經預咗60萬港紙作為旅居兩年的洗費同學費,至於將來係點,到時先再作打算。

好多人叫佢三思,返來好難再搵返份咁好 PAY 的工。但朋友話,如果而家唔走,佢好驚自己冇命享。人生,好多時真係冇嘢可以預計得到。