龔成問答信箱2

問:龔成兄你好,請問中華煤氣(00003)同港鐵公司(00066)而家現價值得入嗎,你認為會否再下跌?

龔成:不會去預期後市走勢,兩隻都是優質股,煤氣係公用事業,一定較穩定,港鐵有地產因素,會比煤氣波動,當然長遠潛力較大。看你想買那一類

—————-

問:你好,我想問一問煤氣而家15.6元左右,如果長線睇入唔入得過?謝謝

龔成:煤氣是優質股,雖然現價PE(市盈率)不低,但以質素來說,可說是合理價,只要你是長線就可以,但注意市況波動,最好分注入

—————–

問:中國鐵建(01186)如何?可長線投資?

龔成:呢隻同中國中鐵(00390)、中國中車(01766)一樣,都係之前熱炒股,個人對呢類概念股、多散戶炒的股,都會避一避,唔係話佢唔好,而係股價好易被炒高。而家隻1186先可說是較為合理,但仍會大上大落,若投資一定要分注。可長揸。

—————-

問:想問復星國際(00656)如何?

龔成:其實不差,有一定賺錢能力,同時又有一定規模,但業務有多個範疇,要分析不易,同時亦較依靠管理層的眼光

—————–

問:這時候是否只考慮加,不考慮減持?

龔成:只要是優質,就可只加不減,最重要是分注,唔知何時見底

—————–

問:你好! 我之前上過你的課程「龔成投資倍升股課程」及看過你書的讀者。其實我都算係價值投資者的信徒,看過你的書及聽完你的分享,更令我受到鼓舞。想問你少少意見。

記得你在堂上有分享過金沙中國(01928)和銀河娛樂(00027)之比較, 當時你個人傾向27多一些, 因為會受益到橫琴將來的發展。可是相較之下,1928執行力可能比較好,因為股東權益回報率(ROE)較平均高和擁有市場最大佔有率。

當然兩者都是優質股,加上依家股價都相對低,若兩者都沒持有,應選哪隻會較大機會成為王者?

同埋聽你講, 始終內地旅客去澳門始終會慢慢地增加, 不會太擔心現在大力打貪及限制遊客的措施,請問為何你有這想法?進一步問,哈哈~不要介意,如果你依家沒持有兩股,為何沒有呢?是否等待時機?

謝謝你的指教!

龔成:兩隻股各有優點,所以我先在文中講述兩隻的特色,其中一個目的係投資者自行選擇,因每個投資者想要的不同,所以沒有話那仕必然優勝。

若果你追求較穩陣,那就1928。若想較為潛力,那就27,這是個人選擇。當然我認為兩隻都穩陣,但「新人」銀娛當然比1928的風險略高,同時潛在回報亦略高。若估長遠較佳的,maybe 27。

—————–

問:龔成兄,近期股市大跌,知道你有十多年投資經驗,可能見過呢D大跌市,我選了數隻基本面良好的股票,但整體都已跌25%(由5月至今),請問閣下的部署如何,過往的股災是否也與畢菲特一樣不放,再等機會從低位入貨?

龔成:股災我都好平靜,如果股災但d人唔敢入市,就係入市時機,不過依家d人都仲敢入市,所以未能以平宜去形容。

相信以近期市況,分段吸納是一個方法,慢慢入唔好急。

—————-

問:成兄,聽見你開始吸納優質資產,請問你主要吸納哪隻?你覺得電能實業(00006)可以嗎?股息率差不多到4厘了。抑或反而吸如金沙,取其壞消息去盡?謝謝分享。

龔成:只要是優質的,就可只加不減,最重要是分注,唔知可時見底

電能與金沙不同性質,但都不錯

————–

問:你係呢個時候入比亞迪(01211),但我見PE好高, yield(息率)又無,係公司前景吸引你買嗎?

龔成:買1211唔會睇pe,因無意思,只會睇前景,潛力

————–

問:成兄,港交所(00388)、騰訊控股(00700)和比亞迪點睇?

龔成:388是優質企業,是壟斷企業,加上行業前景佳,關鍵是甚麼價位入,因現時的市盈率很高。由於收入源自股票上市及成交,故市況會對其盈利有影響,從而令股價大上大落,200元不過不失,可長線。

700個人不買,因科網類市場變化大,同時市場對其估值的分歧可以好大,從而令股價波動大

1211睇前景,潛力,我在《80後2百萬富翁》中,用了幾千字講這股,以長線的角度投資

————-

問:創維數碼(00751)、信義光能(00968)點睇?謝謝

龔成:751是內地第四大電視機製造商,有一定質素,業績中每年都有錢賺,同保持上升,加上股東權益回報率都幾高,不錯的。

968其實唔差,不過好多散戶炒呢隻,凡多散戶炒的本人就會保留,因為好易被炒高,見佢PE都過30倍,雖然預期下年盈利升幅唔少,可令PE降至20倍以下,但個人一般。

————-

問:成哥,我是你的讀者。多謝你的意見。我昨晚發掘了一隻博耳電力(01685), 財務報表各樣數據好似都好好,可否請教你點睇?

龔成:1685無分析過,只能簡單講幾句。係,睇盤數唔錯,這是一個可取之處,但要睇業務部分才有立體分析。

業務:一)配電系統;二)智能配電系統;三)節能方案;四)元件及零件業務,都偏向某d大客,容易被客戶控制,除有集中客戶風險外,亦欠缺價格自主的能力,以20倍PE來說,未必值得。當然,你自行深入分析後可能另一回事,但就算投資也不宜大注。

————-

問:成哥,我依家有三隻股係手,1928, 中國聯通(00762)及中國人壽(02628),請問後市你點睇?762同2628都係之前跌市時入,1928就係高位52蚊入,坐佐都有成年。

龔成:我會較睇好2628同1928,2628佔市場佔有率約半,有品牌價值,加上人壽保險公司本質是賺錢的公司,優質,合長線投資

1928,之前分析過多次,賭業本身是賺錢行業,而澳門賭業的市場結構只有六個賭牌,開賭無得輪,本質已是優質股,問題是以咩價入。

澳門賭業處下跌期,未知幾時完,所以我在幾個月前講這股時,已強調要分注入,最好分足一年,因下跌週期可能要一年。之前你高位入,而家只好守一下,如真的有閒錢剩可考慮現價再入一注,之後停,長線投資。

————–

問:有少少意見想請教你,中國軟件國際(00354),你點睇?可否請教下。因為我有運用你書中教既方法去睇,我4蚊買入,現價因大圍影響跌近三成,但我覺得佢前景好,你覺得我有否睇錯!

龔成:從財務數字中觀察是不錯的,生意與盈利都保持上升,只是股價太過波動,就算好公司但貴買,回報率也會大減。

雖然佢業務同科技有關,但我相信都算實在,唔會太虛,相信業務會有增長,而家4元入了只好持有住先,PE 18倍,預期下年盈利增長,PE降至15倍以下,現價仍不叫平宜,相信要守下,但此股甚為波動,突然爆上爆落唔出奇。

(本人為證券業持牌人,持有金沙中國(01928)及比亞迪(01211))