30歲炒股輸過錢 揸住100萬 買乜收息股好|龔成信箱

30歲炒股輸過錢 揸住100萬 買乜收息股好|龔成信箱

【收息股】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:新傳媒資料庫

1.收息股

成Sir ,我近排買左你的著作睇,未睇完但有兩個問題想請教下。

小弟30歲,之前投資過短抄失利,無再買股票。但現時我要買優質資的企業,我有90至100萬,想買潛力股同收息股,你有介紹嗎?比例應該如何?月供好定分兩三次?點睇位入?謝謝

另外,我對你的股票班有興趣,點報名?

龔成老師:

股票是有效增值的工具,但我地不是炒炒賣賣,而是用有系統的方法,買入優質股,長終等企業慢慢增值,在可承受風險的程度下,得到合理的回報。

以你的年齡情況,可以以平穩增值股為重心,再加上潛力股,平衡地增值。

但由於現時市況不平,你的$90萬,只可以動用其中一部分,要預留30%-50%做現金,等大跌市機會才投資。而可投資部分,一定要分注買入。

你可以考慮盈富(2800)、長建(1038)、中銀(2388)、港鐵(0066)、領展(0823)、金沙(1928),加上潛力股比亞迪(1211),由於現價不平,最好用月供的模式進行,如不用供,就要分注進行,即是將$90萬中,可用部分,分1、2年,慢慢入市,如果入到一半時,見到個市升得大勁,就可能要減少或停止。

至於我的股票班,你可到以下連結睇詳情,同埋裡面有得報名,如果有報名及比錢問題,都可以whatsapp問我地同事55457212 。(對照龔成信箱:Q5191)

2.希慎(0014)

請問下,14號希慎如何?

入得過嗎?

龔成老師:

希慎(0014)有一定的質素,可以長線投資。

佢係銅鑼灣商舖及寫字樓地區中,係其中一個最大商業大廈業主,投資組合擁有逾4百萬平方呎之樓面面積,希慎廣場、利園等,都是十分優質的商場。

佢過往出租率均多處於95%以上,商場及寫字樓很多時更處98%以上的高水平,係典型的收租股。

這股可長線投資,雖然這刻的股息率不算好高,但股價都有平穩增值作用,因此,無論收息定平穩增值,這股都可以的,現時估值都算合理,可分注買入。(對照龔成信箱:Q5182)

3.年金

我收入$17000,支出$5000,私人貸款還款$5000,遲些會再比多$2000家用。另外,我有情緒病,有用藥。

另外,由於仲係獨身,想買年金作為退休保障,定還是你經常提的月供股票比較適合?至於保障方面,有什麼提議?

龔成老師:

其實你本身的支出唔算多,最大問題是私人貸款,這部分往往會提高了我們的利息支出,之前已經借了的無辦法,但之後在慢慢清還後,就唔好再借了。

同時要慢慢儲下錢,遲些有甚麼想買想做,不要再用私人貸款,以儲錢模式去完成會更好。

年金是防守性產品,月供股票則較為進攻,這裡要考慮一個因素,股票始終有一點風險,當中的股價波動,會否為你帶來較大的心理壓力,如果你本身的承受風險能力較弱,見到財富上落會好影響你的情緒,那股票就不是你考慮之選。

年金或一些保險公司的產品,都有可能適合你,當中很多都可以進行月供的,都可以給你累積財富。同時,當中有不少保險產品,都能給你適當你保障,這方面你要向做保險的朋友查詢。

我地進行理財,會以先打好防守,才考慮進攻。所以,你可先打好這部分先,如果有資金餘,再考慮進攻的資產。(對照龔成信箱:Q5183)

 

4.九龍倉置業 (1997)

龔老師,想問你關於九龍倉004的合理價值,上了你的股票班和看了50優質股,明日了市盈率並不是最能代表它的價值,但又不知道該如何再估算,所以想問一下它現價的投資價值如何?

龔成老師:

這股比較困難,首先,地產股要考慮物業重估的部分。另外最大的問題,是佢已經將很多資產拆走,過左去九龍倉置業 (1997)度,所以,佢的本質已同書的分析略有不同。

相比起之下,我會建議投資1997,因為較多的重要資產,最有價值的部分,都在這裡。

如果要為0004進行估值,就要從餘下部分著手,只考慮餘下的業務,當中的生意及盈利,然後進行估值,這都幾煩覆,因為要睇翻佢過往每年的年報,再每年拆翻已分柝的部分,從持續營運去考慮,再進行估值。

現時大約處合理區略高的水平,但我始終偏向1997,這股現時估值的平貴水平與0004相約。(對照龔成信箱:Q5185)

5.市況

老師,我有個問題想請教你。之前見你講,當我地見到市況太熾熱,全民皆股等等嘅訊號時應離場,但離場係味全部股票沽空?定係保留少少?

龔成老師:

我地唔單止會以大市分析,往往每一隻股票去分析,大市過熱是其中一個指標,同時,我地要分析是否該股都處過熱水平,同時要為佢當時進行估值,如果股價已遠超佢的合理水平,就可考慮賣出。

這個賣出可以是全部或部分,但就不是沽空。若然該股好優質,長遠仍有增長力,就算當時處貴水平,都有可能唔賣晒,因為無人知賣出後,是否買得翻,所以,愈優質的股票,我地一定要有更充份的理由,先至會賣出。(對照龔成信箱:Q5186)

6.港燈(2638)

老師,港燈點睇,買得過嗎?

龔成老師:

港燈(2638)是不錯的收息股,生意與盈利都穩定,同時股息穩定,但你唔好預佢有增長,只會平穩收息。

佢每年的股息率約有$0.4,如果有6%股息率,就是比較吸引的水平,即是股價約為$6.67,但未必見到。所以,如果股價大約處$7.3,股息率大約有5.5%,都可以分注買入的。(對照龔成信箱:Q5188)

 

7.海螺水泥(0914)

你好龔成,想請教下你,914我22蚊左右入5000股,一路都冇理佢,因為唔識短炒。

宜家升到依個位,應該繼續渣住定係點做呢。可以幫我分析下佢嗎?唔該曬!!

龔成老師:

好彩你唔短炒,否則你一早就賣出這股。我一向都好反對短炒的,長線投資才是真正賺錢的方法,過往我做10年銀行,見盡短炒客都是輸多贏少。

海螺水泥(0914)是有質素的股票,佢係《50優質潛力股》書中的其中一隻優質股,但正是書中所講,佢質素未到最高級別,因為業務有點波動,這類股都可以長期持有的,但有都要把握時機,平衡去做。

你現時比買入價升了一倍,可以用「升一倍,賣一半」的方法,賣出當蠓2500股,你就是收回了所有成本,餘下的就是淨賺,你可以一直長線持有,不用理會,等企業再有更大的增值。(對照龔成信箱:Q5189)

8.學投資第一步

成哥你好 ,我想學投資 第一步要做甚麼?

龔成老師:

第一步是吸收知識,我18歲開始買股票,交了唔少學費,明白自己乜都唔識,於是大量睇書。你可以到圖書館或書店買書,我的書很適合初階者的。

除左睇投資書外,你都要多留意財經新閒,經濟、時事,同埋盡一切方法學知識,上堂都是一個途俓。之後就是開股票戶口,實戰。(對照龔成信箱:Q5192)

9.索羅斯

老師,我想知索羅斯點樣沽空港元,做法係點,點解最後會做成金融風暴,其實我對於匯率同息口的概念唔係好清晰,已睇過一些書籍或上網睇下文章,但始終都係唔太理解

龔成老師:

呢度要解釋好難喎,《80後百萬富翁》P.99有講少少,你都可以睇有關亞洲金融風暴的書,你去圖書館借就得。

佢1997年先攻亞洲,之後到1998年先打香港,過程都幾複雜。(對照龔成信箱:Q5194)

10.眾安(6060)

成哥,因朋友介紹而認識你,發現你很有投資智慧,拜讀你作品後,獲益良多,但接觸時間短,仍需時消化。月入30000,有個問題困擾良久。

大半年前,$85買了眾安在線2000股,時至今日,眾安似乎難以回復。

1、我應該在$70多,放了它,再投資其他? 2、我繼續持有,等佢算返?

謝謝解答。

龔成嚴師:

記住一點,我地是否繼續持有一隻股票,重點不是買入價,係佢本身的質素,以及前景,買入價只是一個心理因素,以總財富的角度分析,買入價不會影響之後的財富。

眾安(6060)這股其實不易分析的,其實到目前為止,佢的實質盈利都十分少,這刻的實質業務價值不大。但佢做這類互聯網保險公司,的確有潛力,同時背後有支持,所以有發展,這部分產生了「概念價值」。

佢無乜盈利,但市值可以去到幾百億,當中大部分都是概念價值,而這個價值值多少錢,其實無人知,市場對這價值的看法不一,同時經常改變,所以令股價大上大落。

所以,之後的股價,仍存有相當的不確定。但以穩健的投資角度分析,這股一直都不平宜。因此,這類股可以有潛力,但不適合太大注,如果你持有的數目,已佔了你投資組合一大部分的話,最好減持部分,令你的風險減少。(對照龔成信箱:Q5195)