診所職場事 寶豬趣聞 賺到盡|珍寶豬

診所職場事 寶豬趣聞 賺到盡|珍寶豬

【診所職場事】有日有位姨姨嚟到診所。
佢行埋嚟問我:「你哋係咪有奶粉拎呀?」

撰文:珍寶豬

我:「奶粉?冇呀~你係咪去錯診所呀?我哋呢度係乜醫生喎」
佢:「唔係診所就有㗎咩?」
我:「我哋冇呀」
佢:「奶粉公司唔會送啲俾你哋嘅咩?」
我:「我哋冇呀」
佢:「咁….」
咁咩呀~你去錯診所啦。

佢:「咁你哋有冇啲咩公司會送啲咩俾你哋呀?」
我:「你做咩咁問呢?」
佢:「如果有嘅,唔駛錢嘅你俾我呀」
我:「點解要俾你呀?」
佢:「我幫你拎去賣呀」
我:「我哋啲藥嚟㗎喎?」
佢:「唔緊要㗎,我得㗎,我識人㗎,你唔駛錢嘅俾我就得㗎啦」
我:「即係我免費俾你,之後你拎去賺錢咁呀?」

佢:「係呀」
我:「唔可以咁㗎喎,我哋啲藥唔會咁俾你啦,藥物都係要醫生處方㗎」
佢:「你俾啲冇藥嘅我得唔得呀?」
我:「你係咪生活上有咩難處呀?」
佢:「冇呀,錢邊有人嫌多㗎?」
我啞咗。

佢:「你有冇啲咩可以俾我呀?」
我:「真係冇呀姨姨~」
佢:「冇可能㗎喎,我以前都做你呢行,好多行街送嘢嚟㗎喎」
我:「人哋送俾我哋診所用㗎嘛,即係好似啲筆呀MEMO紙咁,我哋都會留嚟自己用㗎」
佢:「維他命嗰啲都有卦」
我:「我哋都會由醫生處方㗎…」
佢:「唓!咪即係醫生賺晒!你唔俾我賺咪出聲囉!孤寒到死!」

佢扭扭屁股離開診所。

阿姨你自己開間診所既快捷又方便~仲可以自己做埋藥廠,做埋姑娘添!

珍寶豬過往精彩文篇:

診所職場事 寶豬趣聞 有效日期|珍寶豬

診所職場事 寶豬趣聞 珍寶豬

診所職場事 寶豬趣聞 Mandy|珍寶豬

診所職場事 寶豬趣聞 珍寶豬