靚仔靚女係唔係必要?空少空姐入職Q&A|職場制勝

靚仔靚女係唔係必要?空少空姐入職Q&A|職場制勝

職場制勝空姐空少、地勤、飛機工程維修,以至機師等,都是不少年青人嚮往的職業。香港作為亞洲運輸及物流樞杻,航空業地位舉足輕重,當中更提供眾多就業機會。不少年輕人都嚮往當空姐空少「周圍飛」增廣見聞!若有意投身空姐空少行業,不妨參考由前空姐Jennifer 講述空姐面試、入職要求及工作情況的Q&A。
撰文:Smart ED編輯部  | 圖片:unsplash

空姐面試、入職要求及工作情況Q&A

Q:空中服務員的工作範疇包括甚麼?

A:最主要職務係照顧機艙內每位乘客嘅安全同飲食,亦都要俾乘客了解關於免稅商品服務以及該程航班嘅資訊。

同時,亦要處理好多保安嘅工作,例如觀察有無可疑人士上機等等。

滅火,救護等等相關工作哋都要知。當然,都有好多突發嘅情況要處理啦!

空姐, 空少, 空中服務員, 面試, 空姐入職Q&A, 職場制勝
圖片:unsplash

Q:空中服務員的入職要求以及面試,對外表其實有沒有要求?

A:乾淨整潔便可,例如男生的劉海會不會太長呢?俗稱不要太MK即可,女生也一樣要乾乾淨淨,不要披頭散髮。

但係靚女靚仔真係唔係必要條件。

Q:面試有甚麼需要準備?

A:首先要準備的是剛才說的外表,至於面試的時候最主要是調整心態,例如要多微笑,要有禮貌,要有同理心。

條件方面,中英文的語言能力,處理難題或關係時的態度與手法也很重要。

空姐, 空少, 空中服務員, 面試, 空姐入職Q&A, 職場制勝
圖片:unsplash

Q:面試有何不明文潛規?

A:都唔算咩潛規則,不過面試期間既言行舉止比面試內容更重要。

面試一般分兩輪,第一輪係group discussion,入咗圍就到個人面試。

所謂言行舉止比面試內容更重要,就係例如group discussion嘅時候一定要識得笑,唔好太aggressive太過爭住嚟講。

因為有傳聞話考官都唔係好聽大家討論嘅內容,而只係留意講說話嘅manner。

另外,聽聞升遷既面試嘅不明問潛規則就較多,譬如話「公司人」升遷機會較大。

空姐, 空少, 空中服務員, 面試, 空姐入職Q&A, 職場制勝
圖片:unsplash

Q:空中服務員的訓練包括什麼內容?

A:訓練主要分兩類,分別係安全訓練同埋服務訓練,要通過曬安全訓練既考試先可以進一步進行服務訓練。

安全訓練係指要了解急救知識,滅火知識,飛機嘅設備等等。

以急救知識為例,我哋要學識唔同嘅病症同埋可以點樣應對。

空姐, 空少, 空中服務員, 面試, 空姐入職Q&A, 職場制勝
圖片:unsplash

至於滅火知識,除咗睇書之外我哋仲有實景模擬嘅練習,要喺煙霧彌漫嘅場景入面嘗試救火。

至於服務訓練係指學習派餐,應付乘客嘅要求同問題等等。

舉個例子,派餐來講,一定要先派窗口位再派走廊位,因為要避免整跌旁邊嘅餐盤。

空姐, 空少, 空中服務員, 面試, 空姐入職Q&A, 職場制勝
圖片:unsplash

成人,小朋友,老人家,男人,女人等等嘅條件都會影響派餐嘅次序。

應付乘客嘅要求就例如係要知道有關機上提供餐飲嘅資料,包括不同茶類嘅名等等。

相關文章:空姐轉行搞食肆 開牛肉飯店 由深水埗賣到元朗 | 區區有靚舖

空姐, 空少, 空中服務員, 面試, 空姐入職Q&A, 職場制勝
圖片:unsplash
空姐, 空少, 空中服務員, 面試, 空姐入職Q&A, 職場制勝
圖片:unsplash

Q:請分享訓練的開心事與辛酸史。

A:開心事當然係有一班一齊共進退既同學分享憂慮,一齊溫習一齊熬夜,一齊冇得瞓。

辛酸史就真係要短時間背曬兩大本mamual真係好惡啃!

同埋CPR真係要好大力,壓唔夠低就會fail,女仔都要叫出嚟做助力,同埋有怕高嘅同學唔夠膽跳逃生滑梯,喊曬咁樣。

我哋每個人都俾勁多鼓勵佢哋先鼓起勇氣跳落去,場面好感人。

空姐, 空少, 空中服務員, 面試, 空姐入職Q&A, 職場制勝
圖片:unsplash

Q:做空姐有冇得瞓覺?

A:機艙人員有一個休息位置,如果長途飛行嘅話可以喺床瞓覺。

《經濟一週》製作職場節目《職場ETV》航空篇,首集就是講述空中服務員(空姐空少)行業(足本版請按以下連結收看)。

https://www.youtube.com/watch?v=2CZQAhRKk_U

相關文章