盤點4大絕招認清求職網伏工 一上網就知堅定流

盤點4大絕招認清求職網伏工 一上網就知堅定流

暑假已經過咗大半,近期有唔少大學畢業生甚至想兼職的大學生都很勇於在網上尋找工作,但最近有網民透露坊間求職網有唔少伏工陷阱等緊一眾職場新手,今日就等我地教大家如何分辨。

圖片來源:電影《鹿鼎記II神龍教》截圖、tvb《太極》、電影《龍咁威》截圖、visualhunt

1) 長期請人

如果大家係求職網見到果份工有啲可疑時,其實可以去search吓間公司究竟放咗呢個post幾耐,見到間公司請咗成年都仲未請到,就應該知咩事喇。

就算佢真係請到人,都有可能公司職員不停咁離職,所以就會一直都留有空缺,如果一間公司經常有人離職就應該知份工嘅性質⋯⋯

2) 不名來歷公司

聽聞有唔少公司假借落請人廣告為名,實則以不誠實手段得到大學生或求職者的個人資料,再把該資料轉售給傳銷電話公司。只要上網search吓可疑公司的名字,係各大討論區都唔難發現有問題公司嘅名字。

3) 可議輪更制

聽落去好似幾正常,但實際做過輪更工種嘅朋友都應該知道,就算話可議輪更制到最後可以討論甚至協商的就只有take唔take呢個offer。如果你本身對返shift係極度討厭的話,就唔好信「可能有需要輪更」或可議輪更行程。

4) 小心巧立名目

如果大家有上過求職網的話,會發覺有唔少公司選擇不公開人工,只會列舉有commission或花紅等字眼,其實份工好可能係以sell嘢為主要職責,但係呢類工種經常都好識得巧立名目,會以字眼修飾份工嘅主要職責。

到最後上到去面試都可能講啲好體面嘅說話,到簽約果一刻或者返工先知原來份工要做啲自己唔適合嘅工作就會太遲。

延伸閱讀:

畢業生見工要做計劃書 網民:咁未開工係咪可以出糧

關鍵詞
網民熱話