有兩層樓但等唔到收成期 40歲港男怨高考2個A冇用

投資

廣告

畢業幾年之後,公開試成績不會再像剛畢業般被看重,這是有幾年年資的打工仔都會懂的事,但有工作十多年的港男竟然在討論區發文,大呻會考28分及高考2個A都無用。而令網民更則目的是,這名港男已經擁有兩層樓,卻說自己只是想要收成期。

(圖片來源:連登討論區)

股票唔見3成 層樓跌1成

日前有港男以「當年會考28分,A level接近3A又點呀…」為題,於連登討論區發文,指自己出身屋村平民學校,「搏曬命A level 2A1C,仲要係A左唔X係人讀既pure maths」,「之後讀u做野,出到黎搵雞碎咁多,辛辛苦苦做完5年,儲左個首期上車!又供又儲做多8年,用老婆個名上年買多層諗住收租!」

之後樓主開始大呻,「X你XX,一個派(浪)打埋黎,股票又唔見3成,層樓又跌X左1成!!又話鼓勵人向上流動,X你XX!!!」及後樓主更透露自己「都接近4張野,仲後生咩…我都係想要個收成期je」。

(圖片來源:連登討論區)

網民:幾廿歲人仲拎ce/al出黎講

貼文一出,隨即引來網民嘲笑,有人不齒樓主曲線曬命:

「5年就上車算哂命」
「咁你都係有得住有租收 嘈咩X」
「兩層樓已經好好啦喎」

亦有人直指樓主幾十歲人仍然提起自己的高考成績,以及表示學歷與收入從來不成正比,更寸樓主讀書叻但對世界發生的事沒有觸覺:

「幾廿歲人仲拎ce/al出黎講」
「不嬲學歷同收入唔成正比,大學生都唔再係天之驕子啦,你估6、70年代咩」
「好多人讀書叻,但對呢個世界冇sense 」
「冇計,呢兩年仲買樓,都好笑嘅」

(圖片來源:連登討論區)

網民:明年樓價挑戰歷史高位

亦有網民詳細安慰樓主說樓價不會大跌,但是否曲線暗寸樓主就不得而知了:

「你情況唔係咁壞啫,第一層冇挷除時走,最壞情況咪沽左去,搬入第二層樓」
「樓巿梗係有少少起伏,但長線實爆升,真係唔使驚。今年下半年等佢加息消息淡化,明年都好肯定樓價會回升,有望挑戰歷史高位,樓主真係唔使擔心。」
「政府行動話左俾你知,佢哋都唔想樓巿大跌,跌都會出手托,求其放寬bsd都肯定令到樓巿癲升。」

延伸閱讀:湯家驊:高球場改建公屋與吸納海外專才背道而馳:香港不宜居住是事實

延伸閱讀:Zoom業績後暴跌 「女股神」事隔三個月撈底80萬股 大空頭唱反調宣佈做空!

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:連登討論區, [email protected]