分享至
    冇料群主扮高手 新手跟足輸100萬身家 炒幣萬人群組遭踢爆終極陰謀

    冇料群主扮高手 新手跟足輸100萬身家 炒幣萬人群組遭踢爆終極陰謀

    加密貨幣投資對很多人而言仍是新奇事物,不少人在投資前都會想參考一下「專家」意見,「專家」意見不代表穩賺,但「專家」都係人,係人投資都會有失誤,蝕錢亦不一定代表該「專家」是騙子。日前,有網民於討論區發表長文,圖文並茂控訴早前冒起的一個加密貨幣萬人投資群組的群主是「呃佣騙子」,累新手輸身家,究竟誰是誰非?

    撰文:經一編輯部| 圖片:連登討論區、Unsplash

    樓主:佢志在每月賺過百萬佣

    日前,有網民以「踢爆幣界呃佣騙子」為題,在連登討論區發文,內容主要指向一個曾經接受過傳媒訪問而出名的Telegram投資群組群主(樓主以「柴狗」稱呼該群主)是「呃佣騙子」。

    樓主表示,以為「柴狗」想透過傳媒報道推介自己的pateron或教班,點知「柴狗」志不在此,而是「志在每月賺過百萬佣」,樓主更分享一名Telegram群組苦主的慘痛經歷:

    該名苦主聲稱在Facebook見過「柴狗」賣廣告,傳媒又有訪問,「佢廿幾歲好似做到day trade財自咁,我認我天真我蠢,我真係信咗」,然後該苦主在5月19日當晚,跟「柴狗」玩,嘗試撈底用50x ETH永續合約,在大約2,600美元水平撈底ETH,止蝕都跟佢擺在2,400美元左右,「 但沒諗過我個期貨戶口好快就爆左倉,我無咗過百萬!」

    該名苦主續稱,後來搞清楚事情,原來「柴狗」落單用咗cross,苦主照跟,然後剛好binance死機沒有幫苦主止蝕,最終在大約1500美元價位,binance幫苦主斬倉,苦主就咁輸晒啲儲蓄,「用咗過百萬成功令我明白咗cross同isolated有咩分別」。

    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    (圖片來源:連登)

    圖文並茂張貼「罪行」

    樓主圖文並茂張貼「柴狗」的「罪行」後,進一步解釋為何Binance死機要遷怒於「柴狗」。

    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    樓主圖文並茂張貼「柴狗」的「罪行」(圖片來源:連登)
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    樓主圖文並茂張貼「柴狗」的「罪行」(圖片來源:連登)
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    樓主圖文並茂張貼「柴狗」的「罪行」(圖片來源:連登)
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    樓主圖文並茂張貼「柴狗」的「罪行」(圖片來源:連登)

    樓主認為有經驗的trader應該要知道極端市況下會有好多外圍因素導致交易風險大幅上升,並應該要知道交易所好大機會死機,但他沒有考慮當中風險就叫新手跟他開50倍槓桿,質疑是否想有人因為他而輸到跳樓。

    「死罪」在於新人信「柴狗」是高手

    由於Binance永續期貨有分逐倉模式(isolated)與全倉模式(cross),isolated是指開倉的margin輸清後,不會影響期貨戶口的剩餘資金,但cross是指一旦某一交易的margin而耗盡,期貨戶口的資金會自動用作償還該交易的虧損,直到清零為止。

    樓主認為「柴狗」的「死罪」在於,新人信「柴狗」是高手,因此「自然跟足佢嘅setting」,更怒轟「你自己知自己廢,入少少錢玩我當然明,人地當你係高手,又因為信你而跟你落單嘅,畀你累死啦。」

    總結而言,樓主質疑「柴狗」冇料扮高手的終極目的,是想賺取平台的referral fee,因此開Post的目的是想苦主不再讓「柴狗」賺referral。

    網民:睇唔過眼好耐

    帖文一出,網民反應兩極,有人認同樓主所言,並指「柴狗」吹得就吹:

    • 「睇唔過眼呢條友好耐,個陣佢一開ig就吹到自己要月賺一球,笑大人個口,一睇就知個人吹得就吹,如果佢真係每個月都賺一球以上財自左好耐啦」
    • 「無炒開真係唔會識咩isolated咩cross…不過扮高手然後爆倉仲好意思入金再玩過咁X厚面皮都講得出…騙子真係騙子,好野」
    • 「之前大牛市免費果陣有跟過佢買股,的確係賺嘅,牛市Day trade邊個唔賺,之後收成千銀一個月,彩佢都傻」
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    有人認同樓主所言(圖片來源:連登)
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    有人認同樓主所言(圖片來源:連登)
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    有人認同樓主所言(圖片來源:連登)

    網民:唔係應該你自己學完先玩?

    但亦有網民不認同「柴狗」呃人,反指苦主連自己輸什麼都不知道,又質疑是否穩賺才不算呃人:

    • 「你爆倉唔係因為cross,係因為用標記價格止蝕,輸左成球嘢衰咩都未知」
    • 「真心問,binance個日死機都可以入人數?爆咗倉就怪人唔教你用逐倉?」
    • 「唔係話幫佢,但呢d嘢唔係應該你自己學完先玩㗎咩?唔輸錢,穩賺先唔叫呃人?」
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    (圖片來源:連登)
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    (圖片來源:連登)
    幣界萬人群組疑累新手輸身家 遭控訴係呃佣騙局 網民:穩賺先唔叫呃人?
    (圖片來源:連登)

    免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。