跟財演炒中資股輸身家 準新郎600元重倉騰訊 驚出年結唔成婚上網求救

重倉騰訊$600蟹貨 準新郎控訴跟財演炒中資股輸身家 驚結唔成婚上網求救

投資

廣告

不少投資者在買賣股票前都會參考股評人(部分又被稱為財經演員,財演)的投資建議,但財演提供的建議並不是一對一針對投資者的個別情況,因此如果自己不做功課又不控制注碼,很多時就會造成悲劇發生。日前,就有網民分享自己跟財演入貨導致輸30萬元的慘痛經歷。

撰文:經一編輯部| 圖片:香港討論區、Unsplash

70萬元入市買中資股

近日,有網民以「聽財演買股,今年輸左30萬,救我。」為題,在香港討論區訴說自己的慘痛經歷,他聲稱跟從財演的建議,用大約70萬元入市,在以下價位買入多隻中資股:

股票 買入價(港元)
明源雲 $35
小米 $32
吉利 $36
呷哺呷哺 $27
中國鐵塔 $1.5
中石化 $5
快手 $280
百度 $250
 跟財演炒中資股輸身家 準新郎600元重倉騰訊 驚出年結唔成婚上網求救
(圖片來源:香港討論區)

聽財演講輸10%止蝕

樓主更指自己聽了某財演說蝕10%就止蝕,因此上述好多隻股票都斬了,蝕入肉,現時則仍持有已成蟹貨的騰訊及美團,因為樓主認為「騰訊始終係股王」,加上另一財演推介美團,因此在當時兩隻股票「正值股價1年低位」時,「瞓晒全副身家落去」,結果目前手持6手均價600元的騰訊,以及4手均價350元的美團。

但冇止蝕騰訊及美團

樓主最初投入約70萬元,前後輸了超過30萬元身家,而更令人崩潰的是,女朋友希望明年結婚,「但我啲錢喺晒700(騰訊)同3690(美團)度」,因此向網民求救。

 跟財演炒中資股輸身家 準新郎600元重倉騰訊 驚出年結唔成婚上網求救
(圖片來源:Unsplash)

網民:睇見到痛

不少網民都表示,財演建議不能盡信,又建議樓主要控制注碼,另外有網民指樓主蝕10%時懂得止蝕已經好叻:

  • 「財演講邊隻你先走去買已經太遲」
  • 「你講個d我大部分都有買,不過係尋日入貨!」
  • 「冇人救到你。個個贏大錢都係低位坐貨。你果d價全部高追,睇見到痛」
  • 「咪叻仔囉…輸10個Percent已經斬晒,擺到而家輸死你呀」
  • 「下下止蝕,好快被人食哂!學下做對沖」
  • 「買股票第一守則,啲錢一定要係閒錢」
  • 「其實你錯在初學就放一個自己輸唔起既注碼黎玩」

延伸閱讀:林日曦辭職800萬賣毛記持股 做足11年講心唔講金?高峰期市值16億 上市前已穩袋咁多股息!

延伸閱讀:供樓好絕望?你間屋隨時豪過億萬富豪!馬斯克租住387呎納米單位曝光 同香港樓有咩唔同?

立即加入經一Patreon共肥計劃

每日只需~$2.5 大量文章無限重溫

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。