貪利息 呃59萬

貪每月1.8萬利息被新同事呃59萬 借據25萬寫25蚊 還款限期2月30日

投資

廣告

經濟差自然罪案四起,除了偷竊搶劫及投資騙案等明刀明槍的罪案之外,大家防不勝防的就是親友借錢騙案,有網民就貼借據及身分證副本,分享母親被騙59萬棺材本的悲慘故事… 

每月18000蚊利息?!

日前,有網民以「(警世)我呀媽比人呃錢,大家唔好亂信人」為題在連登討論區發文,圖文並茂敘述母親遇上的悲慘故事:

「我媽上年係佢返工果到識咗個新入職嘅同事,之後因為大家啱傾好快就熟落咗,過咗幾個月之後大約係今年3月,佢第一次問咗我媽借30萬,話係財務周轉,之後會每個月比返9000蚊息比我呀媽,於是我媽就借咗第一次錢比佢。」

「之後到咗7月幾,佢第二次問我媽借錢,先後借咗25萬同4萬,並承諾會係10月1號會還息,每月18000蚊,跟住三年後就一次過還晒果59萬。」

貪利息 呃59萬
(圖片來源:[email protected]_ear)

「我都係8月中果陣先知道呢件事,但果陣我媽啲錢已經比晒人,同埋我媽仲好相信條友10月1號會比息佢。我聽到果日都已經覺得有問題,諗咗一晚之後同我媽講佢可能比人呃咗。」

「之後過多幾日果條友就上咗大陸,話去做生意,佢上去之前仲有同我媽聯絡,到上咗大陸之後就音訊全無,打電話唔聽,又搵唔到佢。」

「我都知一定追唔返啲錢,不過見到我呀媽係到喊我真係好心up,希望大家之後遇到呢啲情況果陣唔好輕易相信人。」

貪利息 呃59萬
(圖片來源:連登討論區)

借款限期至2025年2月30日

本來網民都以為樓主純粹作故仔,但樓主隨後補充2張手寫借據,甚至貼上借款人的身份證副本,圖中可見,其中一張借據上寫的借款限期為「2022年3月1日至2025年2月30日」,另一張借據就將25萬元寫成25元,更重要的是,兩份借據都沒有簽名,亦沒有借款人的身分證號碼!

樓主再指,母親說上述兩張借據都是在借款人身分證副本的背面寫,因此相信了對方,而借款人逃去無蹤,報警都無用。

貪利息 呃59萬
(圖片來源:連登討論區)

網民:個騙徒咁寫法都幾癲

看到這裡,不少網民對樓主母親的遭遇深表同情,但亦有不少網民認為樓主母親交了智商稅,諷刺為何她看到鉅額利息及2月30日沒有笑:

  • 「之後會每個月比返9000蚊息 你呀媽有無笑?」
  • 「貪字得個貧。」
  • 「幾時可以問你借錢?」
  • 「由佢啦當幫下人囉。」
  • 「借25蚊每個月幾千蚊息,小心俾人告你高利貸。」
  • 「雖然有個萬字都係追唔到,但個騙徒咁寫法都幾癲。」
  • 「你屋企都幾富裕,有咁多多餘錢借畀人,唔洗喊啦。」

立即加入經一Patreon共肥計劃

每日只需~$2.5 大量文章無限重溫

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:[email protected]aft_ear, 連登討論區