分享至
    想趁跌市買筍盤 4個測試睇你Ready買樓未 | 經一專欄 |香港樓市2019

    想趁跌市買筍盤 4個測試睇你Ready買樓未 | 經一專欄 |香港樓市2019

    買樓經一專欄】個個都話想趁跌市買筍盤,唔通個個都買到咩?機會只留俾有準備的人,你係咪真係Ready?睇凱匯就知,只要平少少,就有好多人衝出嚟,筍盤唔等人,如果未準備好,就算有筍盤都唔夠人爭,點先知道自己Ready未?先做以下幾個簡單的測試,初步知道你係咪準備好。
    撰文:1%Anthony  | 圖片:新傳媒資料室、unsplash

    朋友: 有筍盤話我知丫,我首期準備好架啦!

    筆者: 好呀,糧單、稅單、月結單攞嚟睇吓~~

    朋友: 冇喎!我自僱架嘛,邊有呢啲~~

    筆者: 冇點借按揭呀?你唔係Full Pay吓話?

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:新傳媒資料庫

    測試一:未準備好入息資料

    最常見的情況…打工都好啲,工司有齊所有你需要的資料,即使唔見咗都可以搵會計部、人事部攞番。自僱人士就麻煩了,很多時候收入都唔穩定,而且報稅時都扣得就扣,甚至報蝕錢,唔使交稅。以為好爽,到你做按揭的時候就麻煩了。例如自僱人士,要定期將收入存入戶口,保存好銀行紀錄,仲要報稅、交MPF,如果發覺唔夠計,未必過到壓力測試。那就要先找親戚朋友,萬一到時過唔到就要加付首期,有冇人撐你先?搞得嚟又幾個月了!

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:unsplash

    筆者: 你係咪首置?

    朋友: 係…我都未買過樓!

    筆者: 你而家住緊嗰度呢?

    朋友: 係喎!當年老豆好似加咗我哋幾姐妹名!

    筆者: 噢!咁要甩名喎~~

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:新傳媒資料室

    測試二:原來好多人都唔知自己有樓!

    上一代家庭觀念重,很多時買樓都會加埋另一半名,甚至加埋仔女名,做埋長命契。

    萬一有咩冬瓜豆腐,層樓就會自動轉咗俾仔女,免卻遺產承辦的麻煩。

    然而今時今日,這份心意就變成伏!層樓加咗名,即是持有住宅物業,即是唔係首置,買樓就要俾15% 勁辣印花稅。

    朋友還好,那是私樓,可以隨時透過買賣甩名。

    最慘是當年買居屋的時候,業主一欄填晒幾個屋企人名,今日想甩都唔係咁容易,白白浪費了幾個珍貴的買樓名額。

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:unsplash

    朋友: 最近有冇筍盤呀?

    筆者: 有呀!啱啱收到一間,啱你Budget!

    朋友: 咩嚟架?

    筆者: 市區一房半新樓,5百幾萬,租1.6萬~~

    朋友: 幾好喎,幾時有得睇?

    筆者: 係就而家行啦,呢件貨應該過唔週末。

    朋友: 咁急?出年仲會唔會再跌呀?

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:新傳媒資料庫

    測試三:心理未準備好

    如果你仍然都問自己…出年會唔會跌呀?明顯…問得呢個問題,代表你心入理仍未準備好。筍盤一閃即逝,莫講話唔過週末,甚至乎唔過夜,如果到而家都擔心今年樓市會唔會再跌,即是十五、十六,唔可以即時做決定,就算勉強買咗都只會瞓唔啫覺,不如調整好心態先,話俾自己知即使明年再跌多少少,有人買平你幾十萬,但最少你都已經比高位買入的人買平咗近百萬,都算唔錯啦,然後當機會出現的時候就勇於出票試價,買咗就唔好後悔。

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:新傳媒資料庫

    筆者: 你心目中諗住邊個地區?

    朋友: 冇乜心水,邊度升值潛力高?

    筆者: 大西北啦,跌得夠勁。

    朋友: 好少去嗰邊,有啲擔心,好似防守力唔夠!

    筆者: 東九啦,租務穩陣。

    朋友: 老婆唔係咁鍾意嗰邊,好似跌得唔夠勁!

    筆者: 不如你自己周圍睇吓先,再話我知…

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:新傳媒資料庫

    測試四:揀定地區未?

    跌得勁就唔會防守力夠,防守力夠就唔會跌得勁啦!咪玩啦!全港咁大,揀定未先?正如之前所講,筍盤唔等人,要快做決定,如果仍然三心兩意,呢度又話遠,嗰度又話唔鍾意,呢度又話防守力唔夠,嗰度又話跌得唔夠勁,咁點爭?不如真係自己抽啲時間周圍睇吓,揀定幾個地區重點出擊啦!如果決定唔到,不如就由自己住的地方,又或者工作的地方開始先,最少你熟悉,隨時都可以睇到樓嘛。

    樓價, 樓市, 居屋, 私樓, 買家, 賣家, 單位, 細價樓, 新盤, 凱匯, 買樓
    圖片:unsplash