家用

細妹斥3兄姊與父母同住「黐飲黐食」 收入最少反而畀家用:公平乜?

理財

廣告

華人社會的子女較偏向交家用,近日有港女在討論區力斥三名哥哥姊姊與父母同住「黐飲黐食」,而且不給家用,反而收入最少、搬出去住的自己有定期給家用,令港女心有不忿,大呻「個個都唔畀家用,我都唔想畀」。

家用
(圖片來源:unsplash@ Arif Riyanto)

細妹獨自付家用感不公

近日,一名港女在香港討論區以「個個都唔比家用,我都唔想比」為題發文,指70多歲的父母現居於自置物業,每月約有3萬元被動收入。而4名子女中,只有作為細妹的樓主有給家用。

樓主續指,大姊一家移民英國後便沒有再給家用;已婚的哥哥名下有物業空置,反而一家三口與父母同住,但從不給家用,即使大時大節也不會給錢父母,只會間中買菜回家或慶生時主動付錢;此外,未婚的二姊因經濟困難,最近一年已經沒有給家用與予同住的父母。

同樣未婚的樓主是4兄弟姊妹中收入最少的人,也已經搬出去住10多年,不過仍有定期給家用父母,樓主獨自付家用感到不公平。

「同住黐飲黐食就老馮唔畀錢,我為乜要繼續畀呢?父母都好慳儉,我啲錢只會令儲蓄增多,最後遺產得益都係佢哋」。

因此,樓主大呻「個個都唔畀家用,我都唔想畀」。

網民直斥樓主哥哥「啃老」

帖文引來網民熱討,大部分網民認為父母每月有豐厚的被動收入,毋需樓主定期給予家用:

  • 「咁咪齊齊唔好比囉,每個月比1千幾百佢地飲下茶就算」
  • 「其實你冇同父母住,而父母都有錢,你可以唔比,但要學識儲蓄。」
  • 「如果老人家無所謂就唔洗畀,我有啲朋友都一直唔洗畀家用,人工仲幾高吓」
  • 「系我就唔畀,但會過大節時畀」
  • 「父母有3萬被動收入其實的確可以唔畀,父母攞晒仔女嘅錢, 仔女想做嘅嘢變少咗,錢搵錢機會又細咗。其實父母能比啲機會年青人追吓夢就好.. 象徵式畀少少咪算…」

網民又開解樓主,兄弟姊妹的能力各有不同,無謂與之比較:

  • 「咁如果有嗰兄弟俾10萬家用你係咪跟」
  • 「心意來,你唔想咪唔比囉,其實比家用只是想盡心意, 讓老人家開心,不該和兄弟姊妹比較」
  • 「大家嘅人工都唔同,能力又唔同,何必計較」
  • 「比較就無意思,同埋唔好諗你俾最多將來你一定收返最多,咁諗你只會唔開心」

也有人批評樓主的哥哥姊姊「啃老」:

  • 「細妹永遠都係比阿哥搵笨~」
  • 「你哥全家啃老,真係好過份,佢哋住父母,食父母,但又唔畀錢,即係一家幾口都要70幾歲老父母養。」

另一邊廂,有網民撐樓主哥哥:

  • 「講到老馮痴飲痴食甘難聽, 話晒阿哥來,咩叫搵好多錢? 沒得咁計算,遺產由父母決定就好… 樓主唔想畀咪唔好畀,何必講得那麼難聽?」
  • 「(哥哥)幾孝順,自己有樓都無搬出去住,跟陪兩老,兩老被動收入夠使,呢d情況下你哥 無必要再俾錢啦,人在兩老身邊 比每月畀家用更佳」

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:unsplash@emkal、unsplash@ Arif Riyanto