公務員 借貸

公務員問老友借20萬應急 要求瞞住老婆左右為難:佢話分12期還錢,信得過?

理財

廣告

講錢傷感情,近日一名公務員因投資股票失利,向認識了十幾年的老朋友借20萬應急,不過該朋友就十分為難,於是向網民諮詢意見,有網民揶揄「唔借無咗個朋友,借就無咗20萬加朋友」。

公務員 借貸
(圖片來源:unsplash@emkal)

老友問借20萬感為難

近日,有網民在連登討論區以「十幾年朋友問借錢,借唔借?」為題發文,指一名認識了十幾年的公務員朋友因投資股票失利,向樓主借20萬來還財務公司的債務,並承諾分12期向樓主付息還款,同時提出了不能告知其老婆的要求。

樓主續指,借出20萬不影響日常生活,但也會有些「肉痛」,於是詢問廣大網民意見:

  • 借,十幾年真心朋友買少見少,唔通見死不救
  • 唔借,講錢傷感情,借得一次有第二次
公務員 借貸
(圖片來源:連登討論區)

網民忠告:想絕交就借

帖文引來不少人發表意見,大部分人不支持樓主借錢,網民分析指,20萬也需要向朋友借,證明銀行已經「借爆」,不指望這名朋友能夠準時還錢:

  • 「借得得財仔數,就唔止差一條數,借得就預咗俾晒佢,冇得還」
  • 「債仔嘅承諾就算啦,如果好好兄弟我會借,但預咗收唔返,當救佢,追人還錢只係辛苦咗自己同一定冇朋友做」
  • 「如果唔借就無朋友做嘅話,依啲朋友要唔要都罷啦」
  • 「簡單講, 公務員去邊度借都實借到, 仲要勁平息,除非佢借爆咗,借得俾佢,唔好預咗佢還到」
  • 「唔借無咗個朋友,借就無咗20萬加朋友」

也有網民分享推託之詞:

  • 「話自己爭緊銀行200個,叫番佢幫手,最近先推左一個所謂朋友」
  • 「可以話錢銀比女人睇實無得郁,搵啲借口推左佢」
  • 「好簡單,你話你都炒股輸咗一球,依家窮到20蚊就借到俾佢嘅」

另一邊廂,有網民認為,朋友一場能幫則幫,不過未必盡借20萬:

  • 「真係老友嘅,我會按經濟能力『借』俾佢,喺你個case可能係3-5萬?預咗收唔返。咁你都叫盡咗朋友之義啦」
  • 「要寫借條,或者WhatsApp記錄要keep低,萬一佢唔還都可以告佢」
  • 「借,不過寫好借條,最好叫佢押啲嘢比你,一世朋友,肯定無辦法先搵你」
  • 「借五萬,話自己都唔掂」
  • 「借,但要佢一定要同老婆講」
  • 「借,如果你仲當佢朋友,不過重有兩樣嘢,你要預咗佢還唔到;真心朋友就關心吓佢啦,佢可能輸咗好多,你迫佢同你講,迫佢改過啦,唔係借咗錢就算,如果真係朋友,幫佢過呢一關,唔只係錢,仲有好多嘢,一齊計點還」

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:unsplash@Nik Shuliahin、unsplash@emkal