經濟差個個都想搵快錢？18歲保險妹：我三個月搵到四年大學學費！

20歲升職成為經理

今次又係林作團隊炫富！一名林作團隊旗下女經紀在個人[email protected]出公開貼文，指自己18歲加入保險業，三個月已搵到四年大學學費。

「我18歲加入保險業，當時三個月搵到四年大學學費，20歲升職成為經理，我同大家一樣讀緊大學！」

「邊個話學生唔可以有自己嘅事業？我就係最佳例子，證明比大家睇學業事業，兩者兼備，年輕都可以成功同做到專業！」

「讀緊大專既你地，有興趣入行兼要揾實習機會既，請dm我！就算加入同一公司，都唔會有咁豐厚嘅bonus，以上獎金全部都係#林作保險 專利！」

網民：除返開都係5萬幾蚊個月

貼文一出當然隨即被網民轉載到連登討論區，大部分網民都傾向揶揄和鬧爆：

• 「成個香港就係畀呢班人搞死，個個都想搵快錢。」
• 「證明大家啲保費都係供養緊AA 唔係落返個自己到。」
• 「其實如果我要買保險，個sales咩成績關我咩事，佢哋係咁sell自己有幾多單其實有咩用。」
• 「翻譯：三個月變賣哂自己人際network，得四年學費。」
• 「一年42100，4年都係16萬幾，除返開都係5萬幾蚊個月姐。」

網民：搵靚女買有得望下

但亦有人見女就撐：「你會唔會搵個頭dupdup成碌Ｘ既人買保險，唔會既話即係你都認同人靠衣裝，搵個靚女買冇得Ｘ都叫有得望下，唔通搵個油頭毒Ｘ買咩。」

事實上，林作及其團隊一向予人嘩眾取寵的感覺，除了最新的18歲女經紀炫富之外，日前網民＠mulatracy_就聲稱自己18歲，加入林作旗下的保險實習計畫之後，短短3小時的工作便賺2萬元，更大曬雪茄、茅台及私人會所照片，更透露在室內吸煙！

民間智慧：經濟越差越多人做保險

而林作本人日前更在IG直播摸女友裕美胸，引來傳媒廣泛報導後親自轉載，再叫人加入自己團隊！

有網民就一句總結：「經濟越差越多人做保險，仲要越多人去搵下線。」如果網民的民間智慧當真，看來今次距離香港經濟全面復甦仍有一大段距離。

延伸閱讀：新盤負溢價再現！美聯料樓市「柳暗花明」：施政報告、「0+0」幫手救市

延伸閱讀：收息股末日！網民呻「收息神器」失靈、加息下蝕價兼無肉食：做美元定期好過